Merkezê Îrtîbatî û Çapemenîye yê HPGyî (HPG-BÎM) 5 gerîlayê ke 2017 de Heftanîn de şehîd bîyî bi eşkerayîyêke yad kerdî. Eşkerayîye wina ya:

''29ê nîsana 2017î de warê Şehîd Kendalî yê Heftanînî de hêrişanê dewleta tirke ya îşxalkere de embazê ma Ekîne, Stêrke, Med, Rûstem û Çîyager şehîd bîyî. Ma nê embazanê ke zerrîya înan seba azadîya şarê xo gulp dayêne û seba ney mîyanê têkoşînî de vera faşîzmî binê pêrp şertanê zehmetan de şer kerd bi rêzdarî yad kenê.

Embaze Ekîne Silêmanî de dadîya xo ra bîya. Embaze Ekîne verî xebatanê cinî û ciwanan de ca girewt û 2015 de verê xo da koyanê Kurdîstanî. Embaze Ekîne koyan de zaf binê tesîrê cuya komunale ya cinîyan de mende. Embaze Ekîne xo warê leşkerîye de zaf aver berd, bîye milîtanêka marîfetîne û bi qerardarî xeta Vîyane Zoranan de şîye. Embaze Ekîne pê durustî û samîmîyetê xo bîye mazharê heskerdişê embazanê xo. A do tim têkoşînê ma de biciwîya.

Embaze Stêrke Şirnex de dadîya xo ra bîya. Aye xoverdayîşê xoîdarekerdişî ra dima 2015 de verê xo da koyanê Kurdîstanî. Embaze Stêrke tim xîret kerd ke biba layîqê îdeolojîya cinîyan a Rayberîye. Embaze Stêrke seba ke bina şerwanêka marîfetîne giranîye daye perwerdeyî. Aye xeylêk çalakîyan de ganê xo eşt werte û embazê xo pawitî. Embaze Stêrka ke pê kesayetê xo zerrîya pêro embazanê xo de ca girewt, tewra karwanê şehîdan bîye.

Embaz Med Colemêrg de dadîya xo ra bîyo. Embaz Medî verî xebatanê ciwanan de bi aktîfî ca girewt û tecrubeyê pîlî vistî destî. Dima embaz Medî 2015 de vera Planê Çokdayîşî yê dewlete verê xo da koyan. Embaz Medî koyan de pê perwerdeyan xo aver berd, tarîx û kulturê xo musa. Ey wextê hêrişanê giranan de tewr vernî de şer kerd û bi çimeyê moralî yê embazanê xo. Embaz Med şer de asta fermandarîye de wezîfe girewt û pêro mesuldarîyê xo bi cidîyetî ardî ca.

Embaz Rûstem Xîzan de dadîya xo ra bîyo. Embaz Rûstemî wexto ke şiwanîye kerdêne tim gerîlayî dîyêne û embazîya gerîlayan zaf tesîrê ci kerdêne. Embaz Rûstem nê tesîrî ser o tewrê gerîlayan bi. Embaz Rûstem pê kesayetê xo mazharê heskerdiş û hûrmetê embazanê xo bi. Embaz Rûstem karanê mewzîbîyayîş û binawanîye de pê keda xo embazanê xo rê bi mîsal. Ey tim waşt ke şeranê tewr giranan de ca bigêro. Ey pê nê taybetmendîya xo ruho fedayî temsîl kerd.

Embaz Çîyager Êlih de dadîya xo ra bîyo. Dima ke merdimê ci tewrê gerîlayan bîyî û ey wehşetê xoverdayîşê xoîdarekerdişî yê dewlete dî 2015 de embaz Çîyagerî zî verê xo da koyanê Kurdîstanî. Ey xo rê nameyê fermandarê xoverdayîşê Sûrî Çîyager Hêvî girewt. Embaz Çîyager pê ders û perwerdeyan bi gerîlayêko pispor. Ey Heftanîn de rayberîya xeylêk çalakîyanê serkewteyan kerde. Embaz Çîyager bi mîsalanê tewr rindan ê ruhê ciwanîye yê partîye ra yew bi.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. Ma soz danê ke têkoşînê çêranê xo yê bêmergan pê serkewtişî tacîdar bikerê.''