Merkezê Îrtîbat û Çapemenîye yê HPGyî derheqê hîrê gerîlayanê ke Dêrsim de şehîd bîyî de eşkerayîye daye û nê pare kerdî:

''Adara 2017î de operasyonê artêşa tirke yê vera Dêrsimî de hemrayê ma Umut, Berçeme û Cuma tewrê kerwanê şehîdan bîyî.  Hemrayê ma yê ke heta hela peyêne bi hewayêkê qerardarî têkoşîn kerd ma serrgêra şehadetî de înan bi hurmet yad kenê.

Nasnameyê embazanê yê şehîdan wina yê:

Hemrayê ma Umut  bajarê Kotolî yêRojhilatê Kurdîstanî de ameyo dinya û bi kulturê welatperwerîye bîyo pîl. Hema domanîya xo de binê tesîrê gerîlayan de mendo û qerar girewto ke o zî bibo gerîla. Verî ke tewrê gerîlayan bibo xeylêk xebatî kerdî û raştê zextê îşxalkaran ameyo. Hemrayê ma Umutî ke 2012 de verê xo da sefana azadîye nameyê gerîlayan Umut û Çîmen ê ke  gerîlayê verênî bî ke ê dîbî, girewt û xo her hetî ra xo pewerde kerd. Tim waştêne waranê zehmetan de şer bikero. Tewr peynî de  Dêrsimo ke tim xeyalê ci bi ravêrt uca û çalakîyanê ke derbeyê pîlî dîyayî dişmenî ro, mîyanê înan de ca girewt.

Hemraya ma Berçeme Wan de ameya dinya û rîyê zextanê dewleta ra metropolan de bîya pîle. Hemraya ma Berçema ke keyeyêko kedkare de şertanê zehmatan ciwîyayî vera polîtîkayanê qirkerdişî tim waştêne çîyêke bikero. Badê cigêrayîşanê xo raştîya Rayber Apo û PKKyî nas kerd û dima ra tewr xebatanê wendakaran ê Unîversîteya Kocaeli bîyî. Hemraya ma Berçeme 2014 de warê Dêrsimî de tewrê sefanê gerîlayan bîya û demo kilm de bîya gerîlaya serkewteyî ya YJA Starî.

Hemrayê ma Cuma Mêrdîn de ameyo dinya û tîya bîyo pîl. Hema domanîya xo de polîtîkayanê qirkerdişî yê dewleta tirke yê vera kurdan rê şahîdîye kerde û hêrs û dejê xo açarnayî têkoşînî. Bi metodanê cîya cîyayan heta ke destê ci ra ame têkoşîn keno û tewr peynî de verê xo dano koyanê azadan ê Kurdîstanî. Eyaletê Amedî de tewrê gerîlayan beno û demo kilm de beno gerîlayêko serkewte. Dima ra verê xo dano waranê tewr zehmetan ra Dêrsimî. Tîya têkoşînê xo aver beno û rixmo ke warê şerê xorî de bê perwerdeyî ra pedê nêmendo. Senî ke xo hetê îdeolojî û leşkerî ra aver berdêne wina averberdişê embazanê xo zî esas girewtêne.

Ma sere de keyeyanê erjayeyan ê hemrayanê xo yê qehremaman Umut, Berçeme û Cuma yê ke bi şehadetanê xo bîyê erjê heme Kurdîstanî, heme şarê welatperwerî yê Kurdîstanî rê serweşîye wazenê. Ma soz danê ke ma do waştişê şehîdanê xo yê Rayberîya Azade, Kurdîstano Azadî bîyarê ca.''