HPGyî şehîdê Serhadî yad kerdî
HPGyî nasnameyê çar gerîlayanê ke Serhad de şehîd bîyî eşkera kerdî û sozê caardişê waştişanê şehîdan newe kerd.
Merkezê Îrtîbatî û Çapemenîye yê HPGyî bi eşkerayîyêke nasnameyê çar şehîdan eşkera kerdî û nê vatî:
''1ê êlula 2017î de hêrişê artêşa tirke yê vera Dola Kula ya warê Çemçê yê Qersî de hemrayê ma Mazlûm, Bawer, Cemîl û Andok şehîd bîyî.Nasnameyê embazanê ma newe safî bîyî. Ma soz danê ke ma do beyraqa têkoşînî ya ke hemrayanê ma dewrê ma kerde berzêr bikere û têkoşînê înan biresnê serkwtişî.
Nasnameyê embezanê ma yê şehîdan wina yê:
|
|
Nameyê Qodî: Mazlûm Ararat Name û Peyname: Firat Sevînç Cayê Bîyayîşî: Îdir Maye-Pî: Kemaliye-Şukru Tarîx û Cayê Şehadetî: 1ê Êlula 2017î / Serhed |
|
|
Nameyê Qodî: Bawer Tendurek Name û Peyname: Îdrîs Guzel Cayê Bîyayîşî: Wan Maye-Pî: Nûrane -Seyat Tarîx û Cayê Şehadetî: 1ê Êlula 2017î / Serhed |
|
|
Nameyê Qodî: Cemîl Karayazi Name û Peyname: Yunus Kamiş Cayê Bîyayîşî: Erzirom Maye-Pî: Hanime - Ferîdun Tarîx û Cayê Şehadetî: 1ê Êlula 2017î / Serhed |
|
|
Nameyê Qodî: Andok Êriş Name û Peyname: Goksel Tîryakî Cayê Bîyayîşî: Bedlîs Maye-Pî: Tarîx û Cayê Şehadetî: 1ê Êlula 2017î / Serhed |
Hemrayê ma Mazlûm bajarê Îdirî de ameyo dinya û vera polîtîkayanê leyminan ê dişmenî bi kulturê welatperwerî bîyo pîl. Hemrayê ma Mazlûmî bado ke Rayber Apo û PKK rinda nas kerdî verê xo dayo sefanê gerîlayan. Tîya xo bi felsefeya Apoyîye aver berd û seba ke rayîrê şehîdan de semedê azadîya Rayber Apo û şarê kurdî têkoşîn bikero keda pîle daye. Hemrayê ma Mazlûmî cuya de cayê xo bewlî kerd û bi mîlîtanêko Apoyî.
Hemrayê ma Bawer Wan de ameyo dinya û tîya bîyo pîl. Ey çirey polîtîkayê leyminî yê vera kurdan qebul nêkerdî. Netîceya cigêrayîşanê xo de Rayber Apo û PKK nas kerdî û verê xo da koyanê azadan ê Kurdîstanî. Perwedekerdiş xo rê esas girewt, xo aver berd û bi gerîlayêko serkewte. Hemrayê ma Bawer terzê şerî ra heta vindertişê cuya bi mîlîtanêko Apoyî. Xeylêk çalakîyanê ke derbeyê pîlî ginayî dişmenî ro de ca girewt û tewiro tewr bitesîr ê têkoşînê vera dişmenî ramojna ciwanan.
Hemrayê Ciwan Erzirom de ameyo dinya û bi kulturê welatperwerî bîyo pîl. Polîtîkaya qirkerdişî ya dişmenî nizdî ra dîya û seba ke cewabê na polîtîka bido tim cigêrayîşan de bi. Netîceya cigêrayîşan de Rayber Apo nas kerdo, binê tesîrê PKKyî de mendo û 2014 de tewrê gerîlayan bîyo. Sey ciwanêkê kurdan berpirsîyarîya demî girewta xo ser û herêma Serhadî de dest pê gerîlatîye kerde. Tîya zaf tecrubeyî kerdî peyser û bîyo mîlîtanêko serkêş.
Hemrayê ma Andok Bedlîs de ameyo dinya keyeyêko welatper de bîyo pîl. Bado ke Rayber Apo û PKK nas kerdî 2014 de seba ke erd û şarê xo bipawo verê xo dayo koyanê azadan ê Kurdîstanî. Demo kilm de mûsayo koyan û xo aver berdo. Hemrayê ma Andokî gerîlatîya xo ya zafê herêma Serhadî de kerde û pratîko serkewto ramojna. Rêçê şehîdan de şîyayîş xo rê esas girewt û bi mîlîtanêko serkêş.
Ma serre de keyeyanê erjayeyan ê hemrayanê xo Mazlûm, Bawer, Cemîl û Andok yê ke bi têkoşînê xo zerrîya şarê Serhadî de cayê xo girewt, heme şarê welatperwerî yê Serhad û Kurdîstanî rê serweşîye wazenê.''
