Merkezê Îrtîbatî û Çapemenîye yê HPGyî gerîlayê ke 2016 de Dengizê Reşî û Wan de şehîd bîyî bi eşkerayîyêke yad kerdî. Eşkerayîye wina ya:

''30ê êlula 2016î de operasyono ke dişmenî Ordu de dabi destpêkerdene de pêkewtişê şîdetînî qewimîyayî û nê pêkewtişan de xeylê leşkerê dişmenî ameyî cezakerdene. Nê pêkewtişanê Dengizê Reşî de embazanê ma Baxtîyar, Agît û Celal ê ke wextêkê dergî warê Dengizê Reşî de gerîlatîye kerdêne heta pê îradeyê Apogîran heta peynî şer kerd û şehîd bîyî. Ma nê embazanê ke nasnameyê înan ameyî qetîkerdene, bi minet û rêzdarî yad kenê.

Nasnameyê embazanê ma yê şehîdan wina yê:

4ê gulana 2016î de hêrişanê dewleta tirke ya qirkere yê vera warê Wanî de embazê ma Andok Argeş şehîd bi. Embaz Andok pê fedakarî û cesaretê xo bi milîtanêko mîsal ê Apogîran. Ma ey serrgêra şehadetê ci de bi rêzdarî yad kenê, ma soz danê ke bi serkewtişî têkoşînê ci tacîdar bikerê.

Nasnameyê embazê ma yê şehîdî wina yo:  

Embaz Baxtîyar Wan de dadîya xo ra bîyo. Embaz Baxtîyar 2003 de verê xo da koyan û tewrê gerîlayan bi. Embaz Baxtîyar dima ke Zap û Xakurkê de gerîlatîye kerd mîyanê Hêzanê Taybetan de ca girewt. Embaz Baxtîyar waştişê xo ser o 2010 de derbazê warê Dêrsimî bi. Dima ey Dengizê Reşî de têkoşînî rê dewma kerd. Ey mîyanê şertanê tewr zehmetan de, mîyanê îmkananê tewr kêman de tim têkoşîn kerd. Embaz Baxtîyar fermandarêko winasên bi ke qetî xeta xo ra tawîz nêda. Heta şehadetê xo ey kesayet û tewirê xo ra zî tawîz nêda.

Embaz Agît Erzirom de dadîya xo ra bîyo. Embaz Agîtî verî qasê 5 serran metropolan de xebatê şorişgêrî kerdî û 2005 de tewrê gerîlayan bi. Embaz Agît 2010 de waştişê xo ser o derbazê warê Dêrsimî bi û armanc kerd ke Şerê Şorişgêrî yê Şarî berz bikero. Embaz Agîtî pê nê armancî verê xo da warê Dengizê Reşî û uca de xeylê pratîkî ardî ca. O mîyanê gerîlayan de bi milîtanêko efsanewî. Embaz Agîtî pêkewtişanê 2016î de milîtanîya xo ya çêre mojnaye û bi nê hawayî resa şehadetî. Tewirê ey o Apogîr û pratîkê ci yê Dengizê Reşî do tim ma rê bibê rehber.

Embaz Celal Mêrdîn de dadîya xo ra bîyo. Embaz Celalî verî milîsîye kerde û 2012 de warê Dêrsimî de tewrê gerîlayan bi. Ey warê Dêrsimî de fermandarê efsanewî Atakan Mahîrî reyde şer kerd û ey ra zaf çîyan musa. Embaz Celalî 24ê temmuza 2015î şerê topyekûnî ra dima derbazê Dengizê Reşî bi. Embaz Celal Dengizê Reşî de pratîkêko serkewte ard ca. Ey 30ê êlula 2016î de Ordu de vera dişmenî bi çêrî şer kerd û tewrê karwanê bêmergan bi. ey zî sey embaz Celal Başkale pê rûmetê gerîlatîya Dengizê Reşî sey çêrêkî tarîxê têkoşînê ma rê nameyê xo nuşt.

Embaz Andok Wan de dadîya xo ra bîyo. Embaz Andokî dima ke tewrê gerîlayan bi 2015 de Eyaletê Wanî de dest pê gerîlatîye kerd. Ey mîyanê gerîlayan de tim pêro wezîfe û mesuldarîyê xo ardî ca. Embaz Andok her hele çîyêkê neweyî musa, mana daye nê çîyan. O tim seba Rayberîye, şarê xo û welatê xo amade bi ke bare bigêro milê xo ser.

Înan seba azadîya şarê ma pê fedakarîye heta nefesê xo yê peyênî mîyanê têkoşînêkê bêhempayî de ca girewt. Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê.''