Operasyonê qirkerdişê sîyasî yê Mêrdînî de hûmara destbendkerdeyan resaye 5.

Polîsan saetanê serê sebiyî de merkez û qezayanê Nisêbîn û Qoserî yê Mêrdînî de eştbi keyeyan ser,  hemşaredarê Partîya Şaran a Demokratîke (HDP) yê Nisêbînî Ferhat Kût, endamê meclîsî Mehmet Emîn Alkan û hemsereka Partîya Herêmanê Demokratîkan (DBP) ya Mêrdînî Leyla Bozkurte destbend kerdîbî.

Çarçeweya operasyonî de  polîsan  bi şiktişê beran eşt banê HDP’yî yê Nisêbînî ser û hemserekê HDP’yî yê Qezaye  Nezîr Saraç û îdarekarê partîye Hamdîn Ermîş û Selah Falah destbend kerdî. Saraç Ermîş û Falay dimayê îfadedayîşî ameyî veradayene. Ame zanayene ke çarçeweya operasyonî de hemserekê DBP’yî yê Mêrdînî Şehmûs Sûn û endamê Merkezê HDP’yî Sedat Ay ameyî destbendkerdene. Çarçeweyê cipersayîşê Mêrdînî de hemşaredara Bismilî Gulşen Ozere zî ameyebî destbendkerene.