Parka Baxê Giştî ya Silêmanî de vizêr Hunermend Hesen Zîrek serrgêra 51. ya wefatê xo de ame yadkerdene. Merasîmê yadkerdişî hetê Komeleya Hunermendanê Neteweyîyan ra ame serûberkerdene.

Merasîm de deyîrê Zîrekî ameyî vatene. Xeylêk kesayet û hunermendî tewrê merasîmê yadkerdişî bîyî. Merasîm de qala cuya Zîrekî ameye kerdene û 35 hunermendan rê xelatî ameyî dayene.