Endamê Komîteya Rayberdişî ya PKKyî Duran Kalkan bernameyê 'Ulkedenî' yê Medya Haber TVyî de cewab da persan û rojdem ercna.

Qiseykerdişê Kalkanî ra beşêk wina yo:

''Seba kurdan hukmatê Trumpî hukmatanê tewr xiraban rayew bi. Nê hukmatî pê kay û hîleyan kerd ke reyna terefgîrê DAÎŞî ser bikewê.Hukmatê Trumpî hem bi fekkî hem zî bi pratîkî pê kurdan heqaret kerd.

Ma hêvî kenê ke hukmato newe do sey ê Trumpî seba menfaatanê xo yê madîyan hêzê xo yê sîyasîyî nêxebitno. Çunke hukmatê Trumpî Erdoganî reyde têkilîyê winasênî viraştî û paştî da ci. Weçînayîşê Amerîka hukmatê AKPyî rê sey erdlerzî tesîr kerd. rijîyayîşê Trumpî rijîyayîşê Erdoganî bi. No mojneno ke îdareyê Trumpî çend paştî dayêneînan. Rijîyayîşê Tayyîpî rê zî tay mend. 

Hukmatê Trumpî waştêne ke PKK tasfîye bikero. Ma eşkenê naye sey 'hêrişê plankerdeyî yê îtîfaqê AKP-PDK-TCyî.'Serebûtê Zînî Wertê, hêrişê vera Şingal û Mexmûrî, îşxalê Heftanîn, Xakurkê û Xinêrî zî çarçewa nê planî de ameyî kerdene. Goreyê nê planî PKK do bêro çinkerdene û îradeyê gerîlayan do bêro wedaritene. Reyna çarçewa nê planî de Vakurê Kurdîstanî de vera welatperweran tedayî ameyî kerdene, înan xîret kerd ke Rojawan bigêrê binê kontrolê xo. Pêvînayîşê PYD û ENKSî zî bi pşatdayîşê Amerîka qewimîyayî. Înan wisar de ma rê vatbi ke eke ma teslîm nêbê biqedê. La ma hê teşrîna peyêne de tîya de yê. No plan zî ame pûçkerdene. Ê nêeşkê Heftanîn zî îşxal bikerê têna înan tay girî vistî destî. La gerîlayî her roje danê înan ro. Destê Amerîka û PDKyî de çîyêk nêmend ke bidê faşîzmê AKP-MHPyî. Rijîyayîşo ewroyîn netîceya na rewş a.

DYA nê planî ra dima mabênê Iraq û PDKyî de peymana Şingalîdaye kerdene la nêrazîbîyayîşî ra dima na peymane ra zî fek vera da. Dima Amerîka  rîyê PDKyî zivirna Garê. Sewqîyatê hêzanê PDKyî, ablûqaya gerîlayan, hêrişê vera PKKyî nê bingeyî de rojdem de ca gênê.

Dima ke PKKyî Hemleya 'Wext Wextê Azadîye' îlan kerde ê zî tersa ke na hemle do faşîzmê AKP-MHPyî birijnê. Eke AKP-MHP şoro Tirkîya bena demokratîk. La paştdayoxê nê planan, koordînatorê ci Amerîka ra şi.

Krîzo ekonomîkî yê Tirkîya krîzê sîyasetî ra yo. No krîzo ekonomîk semedê şerê Kurdîstanî ra yo. Sebebê her krîzî Erdogan û Bahçelî yê. Ganî nê îstîfa bikerê. 

PKK vera faşîzmê AKP-MHPyî Kurdîstan de şer keno. Şer mabênê PKK û TCyî de yo. PDKyî verî nê şerî ra îtîraz kerdêne. La dima pê îstîxbaratan paştî daye TCyî. Tewr peyên pê waştişê Trumpî vera PKKyî seba xelisnayîşê TCyî PDK kewt dewre. Ma kenê ke planê TCyî birijnê la PDK ma rê îxanet keno. Xelisnayîşê TCyî gureyê PDKyî nîyo. 

Êyê şorişgêr, demokrat û welatperwerî ganî şerê mabênê TC û PKKyî de perrê PKKyî bigêrê. Eke PDK tewrê nê şerî beno wa paştî bido PKK. La PDK vpaştî dano TC. AKP-MHP xîret keno ke Başûrê Kurdîstanî îşxal bikero. Iraq dest na Kerkûk, Germîyan. Sebebê naye zî PKK bi? Ma o çax Barzanî rê vat ke ganî ma pîya têbigêrê. La PDK PKK keno hedef. No welatperwerî yan zî demokratîye nîyo.

Amerîka vana wa PKK Rojawanî ra vejîyo. O çax wa referandum bikero. Şarê kurdî bira naye dano. Ganî partîyê kurdî bi hîşmendîya neteweyîye biewnê mesele. PKK Başûrê Kurdîstanî de meyman nîyo û PKK malê partîyan zî nîyo. Xora dişmenî ma kerdî lete bi lete. Eke ma zî wina bikerê yewîya kurdan ra çîyêk nêmaneno. Ganî gerîlayê ke vera TCyî her war de şer kenê nêrê gefwerdene û dormegirewtene. Eke wina bibo gerîlayî zî xo pawenê. Şer zî her ca ra vila beno.''