Kampanyaya HDPyî ya hetkarîye hîra bena
Çend ke şino dîyar beno ke hetkarîyî ke şinê Tirkîya, Îran û Sûrîye nêresenê mexdûranê erdlerzî, şar vera xo dano kampanyayê ke pê bawer ê. Merkezê HDPyî zî nê cayan ra yew o.
Erdlerzî ra dima her sazgeh û rêxistinê sivîlî bi lez û bez kampanyaya hetkarîye daye destpêkerdene.
Başûrê Kurdîstanî zî ê cayan ra yew bî ke bi lez û bez hetkarîyî ameyî arêdayene.
HDPyî zî Hewlêr de merkezê xo de Kampanyaya ‘Ma şima reyde yê’ daye destpêkerdene.
Kampanya do hewteyêk dewam bikerdêne, la seba eleqayê şarî, do heta aşmêke dewam bikera.
Seba şar bawer o ke hetkarîyî kenê, do biresê mexdûranê erdlerzî, merkezê HDPyî bî merkezê hetkarîyan. Partî û sazgehê sivîlî yê Başûrî kampanyaya HDPyî vila kenê.
