Zarok TVyo ke Vakurê Kurdîstanî û Tirkîyade  kanalo verên ê  domanano ke kurdkî weşan keno medyaya sanale de   saete 20:00 de  bi etîketê #jibomezaroktv #semedêmazaroktv kampanyaya paştdayîşî do bido destpêkerdene.

Semedê kampanya lehçeyanê kurmanckî, kirdkî, sorankî ê kurdkî de vîdeo fotografî ameyî amede kerdene ke tede yeno vatene  ''Ma kurd ê, tîya Zarok TV yo.  Zarok TVyî taqîp  bikerê.''

Berpirsîyarê Zarok TVyî yê Medyaya Sanale Mervan Dundarî ard ziwan ke ê wazenê bi na kampanya teqîpkerdoxanê xo zafêr bikerê. Dundarî vat: ''Domanê kurdan seba ke ziwanê xo perwerde nêvînenî ziwanê dayîke xo vîr a kenê. Zarok TV îmkanê musayîşê ziwanê dayîke dano. Coka ganî sere de kurdî her kes paştî bido kampanyaya ma.''