Endamê Konseya Rayberdişî ya KCK’yî Mûstafa Karasûyî  bi meymanê programê Ulkeden ê Medya Haberî û rojdem ercna.

Şêx Saîd û Seyîd Riza Wazenê Ciwanî Bibê  Gerîla

Karaysûyî derheqê keyeyanê ke ameyî şawitene vernîya Banê HDP’yî de nê vatî: ‘‘No provokasyon o, komplo yo. Semedê zehîfkerdişê xoverdayîşê vera qeyûmî nê keyeyî ûca ameyî cakerdene. HDP kesî nêşaweno gerîla. Xora xeyrê mucadeleyê gerîlayî û serhildanan partîyê sey HDP’yî ameyî pêardene. Xora hewce zî nêkeno ê kesî bişawe û wina yew wezîfeyê înan zî çîn o. Ma veng danê ciwanan, no vengdayîşê şehîdan o. Ma zî înan rê vervatoxê kenê. Ê ke semedê tewrbîyayîşê gerîlayî vang danê ma nêyê. Şêx Saîd vato, Seyîd Rizayî vato. Hemeyan vang dayo tornanê xo û waşt ke serê wedarî. Xoverdayoxê 14 Temmuze zî şehîd bîyî la wina va:‘‘ Ma ewro 6 kes ê la siba ma do bi milyonan bizêdîyê. Înan veng da ciwanan. Coka yê ke vang danê şehîdê ma yê, eşqê azadîye yo, heskerdişê şar û weletî yo. Ewro ra tepîya zî do ciwanî bêrê koyan.

Rika Nê Kayanê Îqtîdarî ra Ganî Ciwanî Hîna Zaf Verê Xo Bidê Koyan

Rika naye ra ganî hîna zaf bêrê. Dewleta Tirkî şerê taybetî rayra beno. Keyeyan bizor şaweno ûca. Vera naye zî ganî her ca de ciwanî ver bi koyan vazdê. Cuya tewr bianore ya gerîlayî ya. Cuya azade ya. Ewledê şarê Kurdî yê tewr ercîyayeyî gerîla yê. Ê do winda tarîx de cayê xo bigêrê. No şero psîkolojîk do wina bêro domnayene. HDP vano ma nê keyeyan bi fehm pêşawazî kenê. La ma nînan wina pêşwazî nêkenê. Ê sey leteyêkê şerê taybetî yenê ûca. Ameyî xapînayene. Ê ke ameyî xapînayene senî bi fehm yenê pêwazîkerdene? Çîyo ke yê kenê heskerdişê ewladî nêyo. Ê ke qicanê xo ra hes kenê kişta mucadeleyê azadîye de vindenê. Rayberîyê şarê Kurdî rexnê kerdêne, vatêne ‘eke to mucadeleyê azadîye nêdana/ê, eke welato azad û azadîye çîn ê, qey to qican ana/ê dinya?‘‘ Ma çîyanê winayên fehm nêkenê. Çîyo ke ma femh kenê ciwanî ganî vejî koyan. Tewiro tewr bianor no yo.‘‘