Hemserekîya Konseya Rayberdişî ya KCKyî bi wesîleya Qirkerdişê Garî yê Anqara yo ke 10ê teşrîna verên a 2015î de ame kerdene eşkerayîye daye û nêvatî:

''10ê teşrîna verêne ya 2015î de vera Mîtîngê Kede, Haştîye û Demokrasîyî yo ke Meydanê Garî yê Anqara de ame kerdene, hêriş ame kerdene  û qirkerdişêko xurt qewimîya. Ma nê qirkerdişê wehşîyî reyna şermezar kenê. Kesanê ke qirkerdiş de cuyeya xo vînî kerde ma înan bi hurmet yad kenê û şexsê înan de heme şehîdanê şoriş û demokrasîyî bi hurmet û mînetî yad kenê, sozo ke ma dayo şehîdan newe kenê. Merdimanê şehîdan û kesê ke birîndar bîyî ma înan rê selamanê xo şawenê. A roje bi hezaran kesê ke vejîyayî o meydan govenda haştîye û azadîye girewt. Berpirsîyarîya ma tarîxî ya ke ma na govende girdêr bikerê û waştişê cuyeya hempare ya azade yê şaran bîyarê ca.

Qirkerdişê Garî yê Anqara qirkerdişo tewr pîl o ke bi destê DAÎŞî hetê rejîmê AKP-MHPyî ra ame kerdene. Sey qirkerdişanê bînan nê qirkerdişî de zî ame waştene ke verê demokratîkbîyayîşê Tirkîya û çarserkerdene meseleya kurdan bêro girewtene. Bi fîkran û metodanê çareserîye yê Rayber Apoyî hêzê sosyalîst, demokratîkî bîyî hêzdar. Bi îtîfaqê şarê kurdî û şaranê Tirkîya verê çareserkerdişê meseleya kurdan ame akerdene. Îqtîdaro faşîst seba ke rayîrê demokratîkbîyayîşê Tirkîya û Rojhelatê Mîyanênî biqefilno Planê Çokdayîşî fîna dewre ke verî ra hazir kerdbî. Qirkerdişê Anqara çarçewaya nê konseptê hêriş û qirkerdişî de ame kerdene.  Îtîfaqê DAÎŞî û  Îqtîdarê AKP-MHPyî na çarçewa de bi.

Ma serrgêra newine de qirkerdişî reyna şermezar kenê û vanê ke do hesabê heme qirkerdişan bêro persayene. Na çarçewa de ma veng danê şaran û heme hêzanê demokratîk û sosyalîstan ke wa çarçewaya stratejîya têkoşînê hemparî yê yewbîyayeyî de yewîye hêzdar û têkoşînî girdêr bikerê.''