Hemserekîya Konseya Rayberdişî ya KCKyî derheqê Newroza 2022î de eşkerayîyêke daye û nê parî kerdî:

''Ma şexsê Mazlûm Dogan, Zekiya Alkan, Rahşan Demîrel, Ronahî û Bêrîvanan de pêro şehîdanê xo bi minet û rêzdarî yad kenê; ma verî yê Rayber apoyî Newroza pêro embazan, şarê ma yê welatperwerî û dostanê xo yê şorişgêran û demokratan fîraz kenê û înan rê serkewtiş wazenê. Ma soz danê ke têkoşînê xo bi serkewtişî tacîdar bikerê. Newroza azadkerdişê Rayberîye ganî zaf xurtî bêra fîrazkerdene û sey serrêka pîle ya têkoşînî tarîx de ca bigêra.

Newroze têna seba kurdan nê seba pêro merdimîye roja xoverdayîş û têkoşînî ya. Hînî Newroze û kurdî bîyî yew. Newroza geş, bena geşbîyayîşê kurdayetîye. Rayber Apo û PKK hema zî destpêkî ra nata nê qîmetî danê Newroze, Newroze sey xurtkerdiş û ganîkerdişê kurdan bînenê. Coka xurtkerdiş û ganîkerdişê Newroze sey armanc û wezîfeyê serekeyî dîyenê.

Têgêrayîşê Apogîran Newroze de vejîya sehne ser. Xoverdayîşê Zîndanê Amedî bi kila Newroze geş bîyo, şehîdanê Newroze serewedaritiş ard û kurdan xo newe ra aferna. Şorişo pîl o demokratîk Newrozan de qewimîya. Şarê kurdî bi erjan xemilîya û bi şarê Newroze. Ma pê bawer ê ke na rewşe do pêro serre dewam bikera û her roje sey Newroze têkoşînê demokrasî û azadîye do bêro geşkerdene.

Sey têgêrayîş, şar û dostanê xo, ma Newroza 2022î bi nê hîs û fikran pêşwazî kenê. Serra newîye ya Newroze nê esasî ser o pêşwazî kenê. Seke zanîyeno Newroza 2022î serra 50. ya Hemleya Rayberîye û ronayîşê bingeyê PKKyî ya. Serra newîye ya Newroze serra 50. ya Rayraşîyayîşê Rayberîye yê Apogîran û PKKyî ya.Hemleya Rayberîye ya Apogîran Newroza 1973î de ameye pê. Ma armanc kenê ke na serra 50. de Rayber Apoyî azad bikerê! 

Cinîyê kurdê ke bingeyê azadîya înn Newroze de ronîyayo, wa bi ruhê 8ê Adare mujdeyê Newroze bidê û Newroze bi nê ruhî pêşwazî bikerê. Çalakîyanê 8ê Adare mojna ke ganî Newroze senî bêra fîrazkerdene û azadîya Rayberîye ganî bêra caardene. Cinîyî têkoşînê azadîya Rayberîye de wayîrê rolêkê pîlî yê. Cinîyî bi nê hawayî bikerê ke têkoşînê azadîye û demokrasî xorinêr û xurtêr bibê.

Newroza 2022î de Hemleya Wextê Azadîye wa bêra berzkerdene astêka bîne.Bername, plansazîya seba rijnayîşê faşîzmê AKP-MHPyî û azadkerdişê Rayberîye wa Newroze de bêrê viraştene. Wa Newroza 2022î her kuçe û taxan de bêra fîrazkerdene û şayîyê Newroze wa Hewteyê Çêrîye rê vila bibê. 

Dewrê Newroza  hemçaxa ke 50 serrî verî dest pêkerdo, xeylêk destkewteyî vistî destê şaranê Rojhelatê Mîyanênî. Ganî ma Newroza 50. bikerê serra rijnayîşê faşîzmî, azadkerdişê Rayber Apoyî û şarê kurdî.

Na çarçewe de ma venga pêro ciwan, cinî û şarê kurdî danê ke her ca bikerê warê Newroze, biherikê waranê Newroze, Newroza azakerdişê Rayberîye Kurdîstan, Tirkîya û Rojhelatê Mîyanênî de wextê neweyî yê azadî û demokrasî awan bikerê.''