Dewleta tirke ya îşxalkere vizêr Qamişloyê Rojawanî de wesayîtêk da bombayan ver û Keyeyê Guloyî ra hîrê kesî şehîd kerdî.

Hemserekîya Konseya Rayberdişî ya KCKyî semedê  Keyeyê Guloyî mesajê serweşîye weşana û nê pare kerdî:

''Welatperwero pîl Yusuf Guloyo ke Rayber Apoyî rê zaf girêdaye bi û zaf xizmetê ci têkoşînê azadîye yê şarê kurdî estê pîya bi merdimanê ci Muhhamed û Mazlûm Guloyî herişê dewleta tirke yê vera Qamişloyî de ameyî qetilkerdene. Ma şehîdanê xo yê sînayeyan Yusuf Gulo, Muhammed Gulo û Malûm Guloyî rê Hûmayî ra rehmet wazenê û heme Keyeyê Guloyî  û şarê Kurdîstanî rê serweşîye wazenê. Nê endamê erjîyayeyî yê Keyeyê Guloyî ke zaf şehîdê ci têkoşînê azadîye yê Kurdîstanî de estê, do çirey nêrê vîrakerdene û vîrardişê înan do Kurdîstanê Azadî û Rojhilatê Mîyanênî de biciwîyo.

Yusuf Gulo dostêko erjîyaye yê Rayber Apoyî bi û taqîpkerdoxêkê ci yo qerardar bi. Dewleta tirke wazena pê nê hêrişan welatperê ke keda ci Şorişê Rojawanî de esta, înan rê çok bidê dayene. La şarê ma yê kurd, ereb û asûr-suryanîyî do rayîrê xo yê heqdarî de qerardar aver şiro. Îqtîdaro faşîst ê AKP-MHPyî her ca de hêrişê kurdan ê azadwaştoxan keno.  Îqtîdaro ke vera gerîlayan çekanê kîmyewîyan şuxulneno Rojwan de zî pê wesayîtanê hewayî yê bêmerdiman bombarduman keno û merdimanê ma vêşneno. Nê hêrişî hersê ma û şarê ma zafêr kenê. No hers do têkoşînê ma pîlêr bikero û îqîtdarê faşîstî Kurdîstan de bin bifîno. Yufuf Gulo wa rehat rabikewo, waştişê ey do miheqeq bêrê ca û qesasê înan bêro girewtene. Wa şarê ma wayîrê nê welatperweran vejîyo û semedê destkewteyanê ke pê keda înana a pîle ameyî destfînayene têkoşînî pîlêr bikero.''