Komîteya Şaran û Bawerîyan a KCK’yî bi wesîleya serrgêra 26’ine ya Qirkerdişê Madimakî eşkerayîyêk daye û nê vatî:

‘’26 serrî cuwa ver ewro roşnvîrî seba ke tewrê aktîvîteyanê Pîr Sûltan Abdalî bibê şîbî Otela Madimakî û raştê hêrişê bipaştdayîşê dewlete ameyî.33 ganî bi vêşnayîşî ameyî qetilkerdene. Pîya bi 2 xebatkaranê otelî pêro pîya 35 kesî şehîd bîyî. Bi wesîleya na roje ma reyna heme şehîdanê  şoriş û demokrayî yê Kurdistan û Tirkîya yad kenê sozê xo yê serkewtişî yo ke ma  dayo şehîdan newe kenê.

 Tarîxê Tirkîya de her wext de Elewîyî raştê zext û qirkerdişan ameyî. Demê Komara Tirkî de teyna bi zext û qetilkerdişî nê bi înkarî zî  çînkerdişê Elewîyan yeno hedefkerdene. Qetilkerdişê ke vera Elewîyan ameyî kerdene înan de nêno têrî û yenê înkarkerdene. Rixmo ke Elewîyî yenê qetilkerdinê herinda qetilkerdaran de ê sey sucdarî yenê vînayene. Qama Qirkerdişê 2’ê Temmuze de serekwezîre Çîlera ke şefa şerê taybetî bi seba qetilkaran vatbi ke ‘ hûmayî rê şikir ke çîyêk hemwelatijanê ma nêbi’ nêzdîbîyayîşê dewlete yê Elewîyan fînabi çiman ver. Xora ma no qirkerdişanê Çorum, Mereş û Mehleya Gazî de zî dî.  

Zîhnîyeto ke Qirkerdişê 2’ê Temmuze kerd zîhnîyetê AKP-MHP’yî yo û no zîhnîyet bi paştdayîşê CHP’yî bi îqtîdar. Xeylî avûkatê ke qetilkarê Sêwesî pawetêne dima ra  AKP de bîyî parlamenter. No zî reyna îspat keno ke Qirkerdişê Sêwasî projeyêkê dewlete yo. Seba ke Elewîyî reyna raştê qirkerdişan nêrê ganî bizanê ke qirkerdişê vera înan bi destê dewlete bîyî û ewro zî binê tehluke de yê. Teyna mucadeleyê demokrasî yê Tirkîya eşkeno Elewîyan nê tehlukeyî ra bipawo. Ewro xeylî temsîlkarê pabesteyanê Elewî û demokrasîyî cimatkî tewrê vîrardişan bene.  No seba ameyîşê demokratîkî muhîm o. Ma reyna şehîdanê 2’ê Temmuze û heme şehdanê qirkerdişanê bînan yad kenê, qirkerdoxan lanet kenê  û veng danê ke wa her kes seba Kurdistano xoser û Tirîyaya demokratîke  mucadeleyî gird bikero.’’