Qezaya Kelarî ya herêma Silêmanî ya Başûrê Kurdîstanî de seba ke PKK lîsteya terorî ya Amerîka û Ewropa ra vejîyo kampanyaya îmzayan dîyaye destpêkerdene.

Komeleya Ciwanan ê Welatperweran ê Kelarî standêk na ro û seba ke qedexeyê vera PKKyî bêro wedaritene îmzayî arêdayî. Startê kampanya 29ê çeleyî de Silêmanî de amebi dayene. Wextê destpêkerdişê kampanya ra nata xeylêk bajar û qezayan de xebatê îmzayan ameyî rayraberdene. Goreyê zanayîşê ke organîzetoranê kampanya ra ameyî girewtene heta nika bi hezaran îmzayî ameyî arêdayene.

Endamê komele Karwan Mehmudê ke cayê standî ke qiseykerdişêko kilm kerd vat ê do kampanya xurtêr bikerê ke PKKyo ke semedê merdimîye têkoşîn keno lîste ra bêro vetene.