Çimeyêkê asayîşî yo ke Reutersî rê qisey kerd vat, şewat dewa Ayn Cehşî de vîrazîyayo ke qasê 70 kîlometreyî başûrê Mûsilî de yo. Goreyê selahîyetdaran şeş teqemenîyê ke bi destan ameyê amadekerdene têdima teqîyayê û dima ra zî şewat vejîyayo.

Goreyê heman çimeyî şewatê lûleya petrolî dewêka pabesteya wîlayetê Nînova de vejîyayo hetê îtfaîyekaran ra ameyo tefênayene.

Sewqkerdişê petrolê wîlayetê Kerkûkî yê Başûrê Kurdistanî yê ver bi Tirkîya, bi îşxalkerdişê herême yê artêşa Iraqî yê dimayê referandûmê xoserbîyayîşî yê serra 2017’î vindertibi. Teşrîna Peyêne ya parî de, netîceyê pêkerdişê hukmatê Bexda û îdareyê Başûrê Kurdistanî de sewqîyatê petrol newe ra dest pêkerdibi.