Vizêr dewa Şîdada ya qezaya Bismilî ya Amedî de mabênê keyeyanê Alyamaç û Taşî de erazî ser o pêrodayîş qewimîyabi û 9 dinyaya xo bedilnabî. 

Cenazayê Serhat, Halîl, Orhan û Mehmet Can Taşî otopsî ra dima ameyî berdene bi dewa Şîdada û ameyî definkerdene.

Cenazayê Emîn û Selîm Alyamaç (bira yê), lajê Selîm Alyamaçî Muhammed Alyamaç, Omer Alyamaç û birazîyê ci Yunus Alyamaçî zî dewa Hisêna ya Bismilî de ameyî definkerdene.

Wekîlê Partîya Çep a Keske, Hemşaredarê HDPyî yê Bismilî û xeylêk kesî tewrê definkerdişê cenazayan bîyî.