Koordînasyonê KJKyî bi wesîleya serrgêra Komployê 15ê Sibate yê vera Rayberê Şarê Kurdî Abdullah Ocalanî eşkerayîya nuştekîye daye. Eşkerayîye de têkoşînê Ocalanî ame selamkerdene, şehîdî ameyî yadkerdene û nê ameyî parekerdene:

''Hêzanê ke waştêne pê komployî Rayber Apoyî bêtesîr bikerê û têgêrayîşî biqedînê pilanê înan sere de bi têkoşînê Rayberîye, bi têkoşînê şehîdan, şar û têgêrayîşê ma ameyî pûçkerdene. Vera têgêrayîşê ma komployî dewam kenê la ê se kenê nêkenê nêeşkenê ser bikewê. Hêrişê vera Şingal, Rojawan û Mexmûrî yê ke verê çimanê dinya de yenê kerdene leteyêkê komployî yê. Cehd kenê ke bi tersnayîşî şarê ma têgêrayîşê azadîye ra raqilnê. La şarê kurdî tim cewabo ke hewce keno dano dişmenanê xo. Hêzanê ke Komployê 15ê Sibate kerd ewro vera hêrişê dewleta tirke bêveng ê. Xora esaretê Rayber Apoyî dewamê komployî yo. Heta ke hêrişî merê şiktene estbîyayîşê kurdîye û şansê ci yê cuya azade çîn o. Tecrîdê serê Rayberîye yeno manaya hêrişê qirkerdî yê vera kurdan.  Coka heta Rayber Apo hetê fîzîkî ra azad nêbo kurdî nêeşkenê ser bikewê.

Seba ke Rayber Apoyî azadîya cinîyan keno merkezê azadîya komelkîye komplo semedê cinîyan dahîna xorin o. Rayberîya ma vera sîstemê camerd serdestî heqîqetê cinîyan vet meydan û semedê cinîyan û komelî rayîrê cuya azade akerdî. Keda ke Rayberîya ma semedê têkoşînê cîyan daya her roje holêr fam bena. Nê semedî ra cinîyê dinya nika zafêr ey rê hurmet kenê û tira hes kenê. Rayber Apo hemraya raşt ê cinîyan o.  Şorişê cinîyan ê Rojawanî eserê Rayberîye yo. Paradîgmaya azadîye ya Rayberîye ewro hêvîya  cinîyan û heme şaran a. Têna  kurdî nê sere de cinîyî heme şarê ke cigêrayîşê înan ê azadîye esto Rayber Apoyî sey rayberî qebul kenê. Coka tecrîd û polîtîkayê bêtesîrkerdişî yê vera Rayberîye pûç ameyî vetene.

Semedê azadîya Rayber Apoyî seranserê dinya de kampanyayî yenê kerdene. Têkoşînê winayênî zaf muhîm ê. Ma nê têna sey paştdayîşê enternasyonalîstî nêvînenê. No têkoşînê hemrayanê ma yo ke paradîgmaya azadîye ya Rayberîye de ameyoxî vînenî. Bi na wesîle ma hemê dostanê ke semedê azadîya Rayber Apoyî têkoşîn kenê, înan selam kenê û vanê ke têkoşînê înan hêz dano ma. Reyna serrgêra komployî de nê rojan de her sere de cinîyî heme waran de kurdî û dostê înan waran de yê.  Rayraşîyayîşê dergî yenê kerdene û enternasyonalîstî her ziwan û rengan ra azadîya Rayberîye wazenê. Na çarçewa ma hemrayanê enternasyonalîstan û ciwananê xo yê ke mîlîtanê fedayîyî yê Rayberîye yê bi germayîya ruhê têkoşînî selam kenê.

Reyna Rojawan, Şingal û Mexmûr yê ke tim raştê hêrişê dewleta tirke yenê de şar rixmê heme hêrişan sereberz têkoşîn keno. Vakurê Kurdîstnaî û Tirkîya  de rixmê heme zextan peynîya faşîzmê AKP-MHPyî bîya nizdî. Serkêşîya cinîyan de têkoşîno hempar ê şaran faşîzmî do lezêr birijno. 15ê sibate ganî bibo startê nê têkoşînî. Reyna çar leteyanê Kurdîstanî de ganî şarê ma yo ke azadîya xo azadîya Rayber Apoyî de vîneno 23 serrî yo vera komployî têkoşîn keno. 15ê Sibate yo ke semedê kurdan sey roja reşe yena zanayene ma bikerê roja reş a qirkerdoxan.

Ma têkoşînê semedê Rayber Apoyî pîlêr bikerê û komployî bi temamî pûç vejê. Hemleya wextê azadîye yo ya- cinîyan, şaran do faşîzmî birijno. Ma veng danê heme ciwanan, şar û dostanê xo ke wa 15ê Sibate ra heta 8ê Adare, Newroze û 4ê Nîsane bi hewayêkê qerardarî têkoşînî pîlêr bikerê. Reyna heme hetê ke demokrasî, haştîye û azadîye wazenê ganî cepheyê antî-faşîstî de têkoşînî pîlêr bikerê. Wext wextê binfînayîşê faşîzmê AKP-MHPyî yo ke kurdan û şarê herême rê bîyo bela. Wextê azadîya cinîyan û şaran o. faşîzm do bin bikewo, cinîyî û şarî ser bikewê.''