Qezaya Gêxî ya Çewlîgî de ke tede elewîyî ciwîyenê, rayîrî nêvirazîyenê. Platformê Komeleyanê Gêxî derheqê mesele de walîtîye rê waştişnameyî dayî la red girewt.

Platformo ke 17 komeleyan û federasyonêk yeno meydan, waştişnameyanê xo de ard ziwan ke rayîrê înan wa bêrê viraştene, bêrê asfaltkerdene. 

Platformî cewabê redî ra dima venga Wekîlê HDPyî yê Çewlîgî Erdal Aydemîrî da û  vat: ''Cenabê to zî zaneno ke viraştişê rayîranê ma bi serran o peygoş benê. Ma na babete de hetkarîya to wazenê.''