Komîteya Ciwanan a PKKyî bi eşkerayîyêke veng da Şarê Kurdî yê Welatperwerî û ciwananê Kurdîstanî ke wa têkoşînî xurtê bikerê.

Eşkerayîye de nê ameyî vatene: ''Şexsê Rayber Apoyî de vera şar û ciwanê kurdan yeno tecrîd  kerdene. Îqtîdaro faşîst estbîyayîşê xo serê çînbîyayîşê kurdan nayo ro. Heme destkewteyanê ma yê şar û têgêrayîşî xo serê sey tehdît vîneno. Zîhnîyetê winayênî ra çîyêk pawitiş, celadê xo ra cuye pawitiş o. No zî xo xapînayîş o. Rayber Apo hela ke kesîya têkoşere pênas keno, vano ez nêxapîyena û nêxapînena. Ganî no heqîqet bibo felsefeya têkoşînê ma ya esasî. Ganî ziwano ke dişmen tira fam keno ê ziwanî ra cewab bêro ci dayene. Ewro Rayber Apo û gerîlayê azadîye yê qehremanî yê Zap, Avaşîn û Metîna nê cewabî danê dişmenî.

Prosesê wina tarîxîyî de ke şerê estbîyayîş û çînbîyayîşî yeno dayene berpirsîyarîya ciwanan ê Kurdîstan gird a. Ciwanî ganî wezîfeyê xo yê tarîxîyî bîyarî ca. Ciwanê Kurdîstanî tarîxê têkoşînê ma de tim hemleyan rê benê  hêzo serkêş û xoverdayox. Vatişê ciwanî fedayîyê Rayber Apoyî têna slogane nîya. No heqîqatêk û mîras o ke bi gonî û  kede ame afirnayene. Ganî tewr zaf cinî û ciwanî Rayberîye fam bikerî û vatişanê ci bîyarî ca. Rayber Apoyî semedê ciwananê kurdan îmkanê xurtî yê semedê têkoşînî afirnayî. Ganî ciwanê kurdan hîsanê xo yê qesasî vera dişmenî biaçarnê têkoşînî. Cayê têkoşînî yo tewr muhîm koyê Kurdîstanî yê. Gerîlayê Fedayî hêzê qesasî yê şarê ma yê. Hêvîya cuye azade yê.

Dişmen seba ke ciwananê kurdan heqîqetî ra bifîno dûrî heme metodan şuxilneno.Heme metodê xo yê şerê taybet û psîkolojîkî fînayî dewre. Xeribbîyayîş xo rê îxanetkerdiş o. Rayberîye vatbi qet yew kurdêko xo rê îxanet nêkerdo nêmend. Feqîrîye qederê ciwananê kurdan nîya. Reyna bi hêvîya zûre beranê Ewropa de macîrbîyayîş zî qederê ciwanan nîyo. Ciwanê Apoyî hinî qederê xo bi destê xo nusenê. Inkey Kurdîstan de sebebê qesasî zaf ê.

Roje roja heqîqetê Rayber Apoyî de têhetameyîşî ya. Roje roja hesabpersayîşî ya. Roje roja wayîrvejîyayîşê berpirsîyarîyanê tarîxîyan a. Ma veng danê ciwananê Kurdîstanî: Xeta ciwananê Kurdîstanî yê welatperweran xeta Zîlanan a cuye û şerî ya. Teberê şerê semedê cuyeya azade yewna rayîr çîn o. O wext seba ke ma faşîstan zulê înan de bifatisnê ma xo biçînê tê, wextê doşnayîşê kleşan o. Ciwanê Kurdîstanî herinda destê kolonyalîstan de xercbîyayîşî  wa koyanê ma yê heybetinan de bibê şahînê azadîye, Zîlankî bidê dişmenê barbarî ro û ver bi serkewtişî rayra şirê.''