Komîteya Rayberdişî ya PKK’yî bi wesîleya serrgêra Şorişê Rojawanî eşkerayîyêka nuştekîye weşanaye û vat, “ Şarê ma yo ke çar perçeyanê dinya de yo semedê serkewtişê Şorişê Azadîye yê Rojawanî sereberz o.
Komîteya Rayberdişî ya PKK’yî serrgêra Şorişê Rojawanî yo ke 19’ê Temmuz a 2012’î de Kobanê de dimayo ke şarî îdare fîna dest, ame destpêkerdene de mesajêk weşena.
Mesajî ra tayî cayî wina yê:
‘’Ma Şorişê Rojawanî ê 19’ê Temmuze yo ke dinyaya seserr a 21’ine de sey astareyêkê azadîye beriqîyeno, pîroz kenê. Ma nê şoroşê tarîxî slam kenê û sere de şarê Rojakewtene û Vakûrê Sûrîye, rêxsitinanê YPG-YPJ û QSD’yî û înan ke emegê ci nê şoriş de esto, înan pîroz kenê û dewamê serkwtişê înan wazenê. Ma şexsê afernayoxanê na çalakîya şorişgere şehîdanê xo yê qehremanan şehîde Şîlane, Xebat, Arîn, Gelhat, Rûbar, Karker û Avesta de heme şehîdanê xo bi hurmet û minnet yad kenê.
Seke yeno zanayene Şorişê Azadîye yê Rojawanî şorişêkê merdimîye, şorişê cinîya azade, şorişê xelisnayîşî yê heme bindestan, şorişê şaran ê wayeûbirayî yo. Xoverdayîşê Kobanê û Şorişê Rojawanî ramojna ke yew sîyaset û zîhnîyeto faşîst o ke DAŞÎ’î temsîl keno esto, yew zî zîhnîyet û sîyaseto demokratîk o ke heme şaran temsîl keno esto. Coka Vakur û Rojawanê Sûrîye de zîhnîyeto faşîst ê DAÎŞ’î ame binfînayene. Çar perçeyanê Kurdistan û teberê welatî de şarê ma bi serkewtişê Şorişê Rojawanî bianor û sereberz o.
Wa qet nêro vîrakerdene ke no şoriş bi xêzê Rayberîye, cesaretê şehîdanê ma yê qehremanan û bi paştdayîşê şaran ame viraştene. Na çarçewe de ma bawer kenê ke dekewtişê serra 8’ine ya Şorişê Rojawanî de gamê hîna bihêz û rêxistinkerdeyî yenê eştene û serkewtişê girdî yenê destfînayene. Bi na bawerîye ma Şorişê Azadîye yê 19’ê Temmuze silam kenê, şarê Rojawanî û Kurdistanî pîroz kenê, şehîdanê xo yê qehremanan yad kenê û Hêzanê Xelisnayîşê yê Efrînî rê serkewtiş wazenê. Şorişo ke sey astareyêkê azadîye beriqîyeno do roşnkerdişê rayîrê merdimîye û azadîye rê dewam bikero.’’
