Komîteya TEV-ÇANDî ya PKKyî bi mesajêkî endamê TEV-ÇANDî Bawer Botan (Ehmed Tahîr) yad kerd.

Mesaj wina yo:

''Embaz Bawer Botan şorişgêrî û hunermendîye kesayetê xo de kerdbi yew. Cuya embaz Bawerî mojna ke ganî hunermendêk senî vera şarê xo têbigêro. Wexto ke mesele azadîya şarêkî biba embaz Bawer wayîrê tewir û têkoşînêkê numûneyî bi.

Embaz Bawero ke sêrtij o Êlih de bîyo pîl û serranê 90an de bi saz û deyîranê xo şarê xo coş kerd û şar wedarna têkoşînî. Ey embazanê xo reyde koma Zembilfiroşî awan kerd, dawet û kuçeyan de deyîrê şorişî vatî, hunerê xo vist binê xizmetê propagandaya şorişî û coka bi hedefê dişmenî.

Embaz Bawer wexto ke 17 serre bi kewt zîndan, dişmen nêzdî ra şinasna. Ey zîndan xo rê kerd mekanê perwerdeyê îdeolojîkî, zîndan de embazanê xo rê moral da û pê saz û deyîranê xo moral da. Dima ke zîndanî ra vejîya o bi gerîla û koyan de bi yew. Ey derbê giranî dayî dişmenî ro, xoverdayîşê Zapî de ca girewt û xoverdayîşê gerîlayan kerd kitab.

Ey Rayber Apoyî ser o kitabê bi nameyê 'Apo, roşnîya hêvîye' nuşt û seba nê kitabî zî verî xeylêk xebatî kerdî. Dima ey xoverdayîşê xoîdarekerdişî, welatperwerîye û îxanetî ser o senaryoyêk nuşt û kedêka pîle daye fîlmê 'Tava Sor.'

Embaz Bawer wayîrê hedef û xeyalanê pîlan bi. Ey hewcedarîyê şorişgêrîye ardî ca, tim aktîf bi. Oşorişgêr, hunermend û edebîyatkar bi. Ey bi cuye, tecrube û ameyoxî ser o hunermendîya xo îsbat kerde. O nêweşîye ra zaf rew mîyanê ma ra şi.

Ma bi rêz û hûrmetî embaz Bawer yad kenê û sozê xo dibare kenê ke ma do wayîrê xeyalanê ey vejîyê û xeyalanê ci yê nêmcetan bîyarê ca.''