Komîteya Paştdayîşê Keyeyanê Şehîdan a PKKyî semedê kedkarê TEV-ÇANDî Bawer Botan (Ehmed Tahir) yo ke 5ê kanûna 2021î de gama ke Rojawan de nêweşxane de tedawî dîyênî, rîyê nêwşîye ra şehîd bi, serweşîye waşte.

Eşkerayîye de Bawer Botan ame yadkerdene û ca dîya nînan: ''Bawer Botano ke 1975 de Eruhê Sêrtî de ame dinya bi kulturê welatperwerî yê Botanî bi pîl. Hema ke doman bi raştîya dişmenî û têgêrayîşê azadîye yê Kurdîstanî û fikrê Rayber Apoyî nas kerdî. Hemra Bawero ke 1990î  de tewr sefanê PKKyî bi demo kilm de hetê dewleta tirke ra esîr ame girewtene. Demê zîndanî de têkoşînî ra peyser game nêeşte û xo dahanî aver berd. Hela ke zîndanî ra vejîya newe ra verê xo da koyanê azadan. Xeylêk wext bi felsefeya Rayber Apoyî sey derwîşêkî Botan, Zap, Xinêrê, Garê û Zagrosan de gerîlatîya serkewtîye kerde.

Hemra Bawerî ke heme cuyaya xo ya şorişgêre de newbîyayîş esas girewtêne Komîteya Edabîyate de keda pîle daye. Mektebê Edabîyatî yê Şîlane Baqî de bi wendekaro serkewte. Na çarçewa de bi xeylêk esaranê xo averberdişê edabîyat û hunerê şerî de rolo xurt kay kerd. Xeylêk roman, kay û senaryoyî yê ci estê. Romanê PKKyî de zî keda ey esta. Kitabê diyînî yê Roniya Hêviyê Apoyî nuşt. Reyna xeylêk eserê bînî nuştî û paştî dayî edabîyat û hunerê şoroşî. ‘Hilhatina Rojê De Zap’ ve ‘Gulekê Bidin Dayîka Min’ tay kitabanê ey ra yê. Reyna semedê averberdişê sînemaya kurdî zî kede daye. Tewr peynî de senaryoyê  rêzefîlmêkî nuştêne û karê antişê ci de zî ca girewtêne.

Hemra Bawer Botan seba ke nêweşîyê ci yê mergî estbî wextêk o Rojawan de ciwîyayêne. Semedê averberdişê huner û edabîyatê Şorişê Kurdîstanî Xeylêk projeyê ci bibî. Rixmê nêweşîya xo kerdêne ke paradîgmaya Rayber Apoyî holêr fam bikero. Xebatanê xo de semedê ameyoxê welatî hêvîye vila kerdêne. Semedê şehadetê hemra Botanî dejê ma pîl o. Ma do nê dejî biaçernê serkewtişê têkoşînê azadîye. Na çarçewe de ma şarê xo yê welatperwer, keyeyê erjayeyî yê hemra Bawerî û kedkeranê huner û edabatîyê şorişî rê serweşîye wazenê. Ma do xeyalanê şehîdanê xo bîyarê ca û şehîdanê xo yê şorişî rê dîyarî bikerê.''