Artêşa tirke ya îşxalkere menga nîsane de vera Koyê Katoyî yê Colemêrgî operasyon da destpêkerdene. 12ê nîsane de dromeyê dewa Marînusî ya ke herêma Katoyî de ya pêkewtişî qewimîyayî. Badê nê dewe rê ambargo ame caardene. Heme ciwanî dewe ra ameyî vetene. Dewijê deweka Kûtosî ya dewa Marînusî deweke ra ameyî vetene.

Roja 18. ya ambargoyî de dewijanê ke ajanîye qebul nêkerd mîyê xo berdê wareyanê dewanê bînan. Dewijê ke nêeşkayî tîya zî bimanî bi temamî deweke kerde veng. Leşkeranê tirkî dima ra pirdê ke dewijan serê ci ra mîyê xo ravêrnayêne  rijnayî. Dîya zanayene ke qilanê berzan ê dewe xeylêk nuqtayanê ci de kamerayî ameyî cakerdene.

Hetê bînî ra rayîrê dewa Qewalî ke şino dewa  Marînusî tîya zî leşkeranê îşxalkeran nuqtaya xo ya kontrolî naye ro. Leşkerî zextê dewijanê Qewalî kenê ke wa ajahîye bikerî. Qismêkê dewijan na qebul nêkerd û dewe ra vejîyayî.