Licê de leşkeran yew kes birîndar kerd

Dewa Banadêran a Licê ya Amedî de helîkopterî ra dewijan ser o gule ame varnayene. Gulevarnayîşî de leşkeran dewijo bi nameyê Onûr Vûral destbend kerd û nêno zanayene ke înan o berdo kamca.

Perey leşkeran dorê dewa Banadêran a Licê ya Amedî girewt û operasyon da destpêkerdene. Helîkopterî ra zî dewijan ser o guleyî ameyî varnayene. Ame vatene ke nê gulevarnayîşî de dewijo bi nameyê Onûr Vûral ameyo birîndarkerdene. Leşkeran bi birîndarî Vûral destbend kerdo û nêno zanayene ke leşkeran o berdo kamca. Hewna zî destûr nêno dayene ke çew şiro dewe û bêro.

Dewijan vat ke mîyanê roje de leşkeran adir veradayo daristanê dorê dewe, destûr nêno dayene ke adir bêro tefênayene yan zî îtfaîye bêro.

Ame pêhesnayene ke destê sibayî de zî dewanê Merdînya, Koçeran û Dengilava de zî operasyon ameyo destpêkerdene û destûr nêno dayene ke çew şiro dewan û bêro. Yeno vatene ke wesayîtanê zirxinan wesayîtêkê sivîlî ser o guleyî varnayê. Merdînya û Dengilava de zî erdî ameyê vêşnayene û leşkerî destûr nêdanê ke îtfaîye şewatî bitefêno. Ame vatene operasyonê herême dewam keno.

Dewa Tûtê de zî Mehmet Kapan û lajê ê Mehmet Alî Kapan ê ke waşto şewatî bitefênê hetê leşkeran ra ameyê destbendkerdene û ameyê berdene bi Licê.