Bi wesîleya qedênayîşê dewreyê şehîd Egîd Cûdîyî, nûştox Ronak Mûradî qisey kerd û bi vîrardişê serrgêra 23’ine ya şehadetê Zîlane (Zeynep Kinaci) dest bi qiseykerdişê xo kerd.

 Nûştox Ronak Mûrad derheqê mana û muhîmîya akademîye û şexsîyetê Zîlane de vat, “Na roje seba heme cinîyan ê Kurdan rojêka pîroz a. ma nika di pîrozkerdişan pîya kenê, hetêk de embazê canfedayî yê ke canê xo feda kerdê, qedêyayîşê perwerdeyê înan o. Hetêna ra zî serrgêra embazêk a ke canê xo seba welatî perçe perçe kerdo ke dewaya Kurdistanî û merdimîye bi ser bikewo. No bi 24 serrî yo ke embaze Zîlane bi çalakîya xo ya zafhetine û kamile mîyanê şarê xo û hemrayanê xo de yena vîrardene.”

 Ronak Mûradî dewam de vat, “Rayber Abdullah Ocalanî na çalakî sey çalakîyêka felsefî û îdeolojîke name kerde. Embaze Zîlane bi xorînbîyayîşêkê pîlî derheqê cuya azade de qerarê çalakîyêka wina pîle dana. Seba ke plane dişmenî yê derheqê Rayber Apoyî, şarê Kurdî û têgêrayîşê azadîye veng vejîyê na çalakîye viraşte û dewleta Tirkî fînaye mîyanê tersêkê pîlî.”

 Heman wextî de wendekaranê akademî zî qisey kerd û vat, „Ma silamanê xo Rayber Apo rê şirawenê, seba azadîya Rayber Apoyî ma do mucadeleyê xo heta peynî bidomnê. Ma şexsîyetê şehîde Zîlane de reyna soz danê ke ma do bibê layîqê îlaheya cuya azade Zîlane. Ma zaf kêfweş ê ke ma roja serrgêra şehîde Zîlane de dewreyê xo qedênenê. Peynî de zî ma heme embazanê xo rê serkewtiş wazenê.”

Peynî de wendekaranê akademî bi gêrnayîşê govende û bi slogananê ‘Şehîdî nêmirenê’, ‘Biciwîyo Serek Apo’ û ‘Bê Serekî cuye nêbena’ şahîya xo qedînaye.