Gerîlaya YJA-Starî Jîyane Rêdûr bi wesîleya serrgêra 27. ya şehadetê Zîlane (Zeynepe Kinaci) ya ke 30ê hezîrana 1996î de Dêrsim de çalakîya fedayîye kerde, ANFyî rê qisey kerd.

Jîyane Rêdûr şexsê Şehîde Zîlane de pêro şehîdê şorişî yad kerdî û vat: ''Wayîrvejîyayîşê têkoşînê embaze Zîlane erjêk o. Ma wazenê koyan de wayîrê erjanê aye vejîyê û tewirê aye bimojnê. Aye xeta fedayîye mîyanê partîye de awan kerde. Ruhê embaze Zîlane yo xoverdayox tim ma hetî de yo. Ma do heta peynî wayîrê erjanê Şehîde Zîlane vejîyê. Mîyanê têgêrayîşê ma de bi hezaran embazê ma est ê ke xeta Zîlane ya fedayîye de têkoşînî rê dewam kenê.

Ewro têkoşîno ke ma vera dişmenî kenê mîrasê aye yo. Xêrê embazanê ma Zîlan, Sema, Sara û Bêrîtanan de ma ewro çeperanê azadîye de yê. Rayberîye û embazê ma yê şehîdî ma girê danê na cuye ra. Ewro şîarê 'Jin, Jiyan, Azadî' tesîrê pêro dinya keno. No zî xêrê Zîlane û Sarayan ra yo. Bi hezaran cinîyê milîtanî yê YJA-Starî û PAJKî bêters, bêteredut û bi çêrî şinê dişmenî ser, qesasê şehîdan gênê ke no zî mîrasê Zîlan û Sarayan o. Ma do sey gerîlayanê YJA-Starî têkoşînê înan pîl bikerê. ''