Fermandarîya Qerargehê Merkezê Pawitişê Şarî bi eşkerayîyêke Hewteyê Qehremanîye yê gerîlayan û şarê kurdî pîroz  kerd. Eşkerayîye de nê ameyî parekerdene:

''Tarîxê şaran de dewrê qehremanîye û kesê ke morê xo danê dewranê winayênan ro est ê. Dewrê qehremanîye sey dewranê ke têkoşînê xelisnayîşê şaran bi hemleyanê şorişgêran reseno serewktişî yeno îfadekerdene. Dewrê qehremanîye hetê kesanê ke xo pê hişmendîya zelale, cesaretê tûjî, keda pîle, bawerîya xurte û ruhê fedaîyî şidnayo yeno afernayene. Şarê kurdî serkêşîya Rayber Apoyî de no rayraşîyayîşê xo 50 serrî verê cu da destpêkerdene. Têgêrayîşê PKKyî tarîxê kurdano ke siluncîyêr de lêr bîyênî ra dewrê qehremanîye da destpêkerdene ke nê têkoşînî destanî nuştî. Heme qehremanîye ke kurdan verê PKKyî ramojnayî mîyanê PKKyî de xo îfade kenê. Partîya ma têna qehremanî nêafernayî, eynî wextî de û xeta qehremanîya neteweyîye û merhaleya mîlîtînîya fedaîye aferna ke tim pê hemleyan serkewtişî ra ver bi serkewtişî vazdana.

Şarê kurdî mabanê çalakîya qehremanîye ya pîle ya Kawayê Hemdemî Mazlûm Doganî ya ke 21ê adare de kerde û 28ê adare roja şehadetê fermandarê efsaneyî yê gerîlayanê Kurdsîtanî Egîdî (Mahsum Korkmaz) sey Hewteyê Qehremanîye pîroz keno. Tewiro fedayî yo tarîxî yê wird hemrayanê ma îfadeyo pratîk û îdeolojîya Apoyî yo. Embaz Mazlûm Doganî vera teslîmîyetê 12ê êlule xeta xoverdayîşî ya PKKyî vet meydan, embaz Egîdî zî pê Hemleya 14ê Tebaxe Kurdîstan de gerîlatîye aver berde û terzê fedaîyî yê şerî vet meydan. Na çarçewe de ma Hewteyê Qehremanîye pîroz kenê.

Fermandarê ma yo bêmerg Egîdo ke tim fermandarîya artêşa ma yê gerîlayan keno  rayberêkê şarî yo. Hemra Egîd hemra Hakî Karerî  heta hemra Mazlûm Doganî, Çaran ra heta Xoverdayoxanê 14ê Temmuze bîyo mezg û zerrîya rêzila şehadetan. Embaz Egîd têna fermandarê Gerîlayanê Azadîye yê Kurdîstanî nê eynî wextî de bîyo nameyê terzê serkewtişî û xeta gerîlayan û kalmeyê azadîye û serkewtişî yê şarê ma.

Caardişê qerarê agêrayîşê welatî yê gerîlayan 40 serrî xo dima verdayî. Ewro kalmeyê xopawitişî yo ke hemrayê ma Egîdî dayo destê şarê ma her wextî ra zafêr tûj o. Seba ke ma wayîrê ercê winayênî û kalmeyî yê ma sey partî û şarî tim sereberz ê. Eke têgêrayîşê Apoyî tim û tim pîlêr beno no xeyrê Rayber Apo û şehîdanê ma yê qehremanan o. Têkoşînê ma yo ke pê guleyê verênî yê Fermandar Egîdî dest pêkerd ewro heme Kurdîstanî ra vila bîyo û artêşa fedaîyan afernayo.

Bitaybetî şerê parî de fermandaranê ma yê qehremanan Beytuşşebap, Hewram, Nûjîne, Diljîne, Zerdeşt, Hêjare, Rêber, Serhed, Rukene, Cumali, Çavrê, Botan, Serhildan û Zinarinan reya ramojna ke xeta Egîdî bin nêkewna. Na xete ma rê do tim nimûne bo. Ma do heleqaya şehadetan bikerê sebebê qesas û serkewtişî û gerîlatîya serkewtişî bikerê heqîqet. Ma şexsê Mazlûm Dogan û Mahsum Korkmazî de heme şehîdanê xo yê ezîzan bi hurtmet yad kenê û soz danê ke ma do xeta înan tim teqîp bikerê. Ma reyna Hewteyê Qehremanîye pîroz kenê û seba ke Newroze biheybet pîroz kerde û wayîrê qehremananê xo vejîya ma şarê xo yê welatperwerî selam kenê.''