Koordînasyonê YPS/YPS-JIN bi wesîleya serrgêra xoverdayîşê Sûrî eşkerayîye daye û nê vatî:

''Têkoşînê ma yê azadîye yo ke serkêşîya Têgêrayîşê Azadîye yê ma û Rayberîye ma de Vakûrê Kurdîstanî de yeno rayraberdene, bi xoverdayîşê bajaran kewt merhaleyêka newî û tarîxî de cayê xo girewt. Senî ke tarîx de Komunê Parîsî û xoverdayîşê bajaran ê Almanya û Fransa estê, xoverdayîşanê Sûr, Cizîre û û Nisêbînî zî rêça destanê Kobanê de tarîx nuşt. Her bajar de 60-70 xoverdayoxî vera tank, top û çekanê giranan û bi hezaran leşker û polîsan têkoşîn kerd û bajarê xo pawitî. Çeka tewr pîle ya xovedayoxan fikrê Rayber Apoyî bê.

Xoverdayîşê Sûrî ke 2ê kanûna 2015î dest pê kerd ke xoverdayîşo tewr pîl ê tarîxî yo, kewt serra 6ine. Nê xoverdayîşê ke 105 rojî kerd derg embazanê ma taxe-taxe û keye-keye xover da û derbê pîlî dayî dişmenî ro. Dewleta tirke bi xo vat ke 4 tabûrê leşkeran ê înan Sûr de ameyî kiştene. Dewlete pê tankan topan Sûr serûbin kerd hema eşkeyê bikewo de. Rixmê nayî Sûr de îradeyê azadîye û têkoşînî ser kewt. Senî ke hemra Çîyagerî vatêne tradîsyonê xoverdayîşê muhteşemî vejîya orte.

Ma şexsê fermandaranê serkêşan ê xoverdayîşê tarîxî yê Sûrî Şehîd Çîyager, Şehîde Nucane, Şehîd Delîl, Şehîde Berfîne, Şehîd Mazlûm, Şehîde Şîlane de heme şehîdanê xoverdayîş xoîdarekerdişî bihurmet û minet yad kenê. Ma sey şerwananê YPS soz danê ke ma do qesasê embazanê xo yê şehîdan bigerê xeyalanê înan bîyarê ca.''