Têgêrayîşê Cinîyan ê Azadan (TJA) û Platformê Kede û Demokrasî seba aktîvîteyanê Newroze veng da ke Newroze do bi şîarê 'Wext wextê serkewtişî yo' bêra fîrazkerdene.

Dêrsim de Platformê Kede û Demokrasî seba şayîya Newroze bînaya Konfederasyonê Sendîkayanê Kedkaran ê Umûmîye (KESK) de kombîyayîşê çapemenîye kerd. Wekîlê HDPyî yê Dêrsimî Alîcan Onlu zî tewrê kombîyayîşî bi.

Îdarekaranê HDPyî yê Dêrsimî Ozcan Ateşî pare kerd ke ê do bi ruhê 'pîya serkewtişî' Newroze fîraz bikerê. Ateşî da zanayene ke Wekîla HDPyî ya Mûşî Gulîstane Kiliç Koçyîgît, Alîcan Onlu, Serekê EMEPî Ercument Akdenîz û Şaredarê Dêrsimî Mehmet Fatîh Maçoglu zî tewrê şayîye bibê. Şayîye 19ê adare de, Meydanê Seyîd Rizayî de, beşdarîya hunermendan Alî Baran û Derya Cengîz de bêra fîrazkerdene.

Anqara de Hêzanê Kede û Demokrasî seba tewrbîyayîşê şayîya Newroze veng da. Anqara de Hemsereka HDPyî ya Anqara Pakîze Sînemogullari pare kerd ke şayîya Newroze 20ê adare de 13.00 de Abitpark de do bêra kerdene.

Îzmîr de TJA venga pêro kesan da ke warê Gundogduyî yê Îzmîrî de tewrê şayîye bibê. Şayîye do 20ê adare de, saete 13.00 de dest pêbikera.