Meclîsê Xoserîya Demokratîke ya Şingalî (MXDŞ) 23ê temmuza 2021î de kongreya xo ya 4. kerdbî. Îdareyê neweyî vizêr komîyayîşê xo yo verên kerd. Hemserekê meclîsanê herêman zî tewrê kombîyayîşî bîyî. Kombîyayîş de raporo mengane ame wendene.

Hemserekê MXDŞyî Merwan Bedelî bale ante krîzê îdareyî û sîyasî yê Iraqî ser û da zanayene ke şar pê hukmatî bawer nêkeno. Bedelî dima karê PDKyî vistî vîrî û vat: ''2003 ra heta 2014 PDKyî Şingal îdare kerd û êzidîyî semedê menfaatanê xo xebitnayî. Înan êzidîyan rê koletîye ferz kerde ma teslîmê DAÎŞî kerd. Coka êzidîyî Peymana 9ê Teşrîna Verêne qebul nêkenê.''

Rîsipîyê eşîra Mala Zeroyî Şêx Şemoyî vat: ''Merdimê ma rîyê PDKyî ra kewtî destê DAÎŞî. Ma PDKyî nêwazenê. Sey Miheme Xelîlî 100 wekîlî zî bêrê ma meverdê ê bikewê Şingalî.''

Endama TAJÊ Dayîke Kine zî îfade kerd ke ê sey cinîyanê Şingalî semedê erd û şehîdanê xo têkoşîn kenê.

Kombîyayîş de venga êzidîyan ame dayene ke wa abigêrê Şingalî.