Komeleya Cigêrayîşî ya Kultur û Ziwanê Kurdkî ya Mezopotamya (MED-DER) çarçewa 21ê Sibate Roja Ziwanê Dayîke de Bazarê Cuye yê qezaya Rezan a Amedî de aktîvîteyî dayî destpêkerdene. MED-DERî etîketê bi kurdkî vila kerdî û waşt bi alayanê 'Ez bi kurdkî ciwîyena' bazar de şora. Polîsan girse asteng kerd la girse astengîya polîsan derbaz kerd û heta bazarî şi.

Hemserekê Komele Rifat Ronîyî bazar de eşkerayîye daye û vat: ''Seba ke ma bala xo bidê ziwanî ser, ma do hewteyêk aktîvîteyan bikerê. 90 serrî yo ziwanê kurdkî qedexe yo û welatî ser o teda esta. Seba ke ziwanê ma bibê fermî û biciwîyo ma do xebatanê xo rê dewam bikerê.''

Wexto ke girseyî etîketî vila kerdêne esnafêkî bi sloganê 'Biciwîyê kurdî û Kurdîstan' girse pêşwazî kerd. Girseyî bazar de venga her kesî da ke tewrê aktîvîteyan bibo.

Aktîvîteyê MED-DERî do heta 23ê sibate dewam bikerê.