Medenî Yildirim 28ê hezîrana 2013î de dewa Hêzanî ya qezaya Licê ya Amedî de wextê çalakîya vera viraştişê kalekolan de amebi qetilkerdene. Yildirim serê gorê xo de Goristanê Yenîkoyî yê Rezan de ame yadkerdene. Keyeyê Yildirimî, endamê MEBYA-DER, TUAY-DERî, Hemserekê DBP, HDP û Partîya Çep a Keske û aktîvîstê TJA zî tewrê yadkerdişî bîyî.

Hemserekê MEBYA-DERî Şehmus Karadagî serê gorî de şexsê Medenî Yildirimî de pêro şehîdî yad kerdî.

Wekîlê Partîya Çep a Keske yê Amedî Serhat Erenî ard ziwan ke kiştoxanê Yildirimî delîlî pakî kerdî, dima mufetîşanê Wezîrîya Karanê Zereyî kiştoxî vera dayê. Erenî vat: ''Hema zî domanê kurdî bi panzeran yenê qetilkerdene, sîyasetmedar û roşnvîrî tepişîyenê. Key polîs û leşkerî sûcêkî bikerê hetê mehkemeyan ra vera dîyenê.''

Tewr peyên dadîya Yildirimî Fahrîye qisey kerd û pare kerd ke êdî ê qirkerdişan nêwazenê û haştîye wazenê. Dayîke Fahrîye lajê xo yad kerd û roşanê ey fîraz kerd.