Mele Abdulkadîr Anaro ke Nimajê Îneyî yê Sivîlî yo ke vera qerarê Dîyanetî yê Kurdkî hutbe nêdayîşî amebi destpêkerdene, dabi kerdene rê 6 serrî û 3 mengî cezaya ke ameyebî dayene ameye tesdîqkerdene.
Cezaya ke mehkemaya cayîye de rîyê Nimajê Îneyî yê Sivîlî ra dîyayîbî Mele Abdulkadîr Anarî ameye tesdîqkerdene.
Bi sebebo ke Wezîrîya Karanê Dîyanetî hutbeyanê Îneyî de propagandaya îqtîdarî kena û bajaranê Kurdan de hutbeyî Kurdkî nênê wendene, meleyanê Kurdan dest bi Nimajê Îneyî yê Sivîlî kerdbi. Nê meleyan ra Abdulkadîr Anaro ke 64 serre yo mehkemaya cayîye 6 serrî û 3 mengî ceza dayebî ci, cezaya Anarî mehkemaya îstînafî de ameye tesdîqkerdene. Avûkatê Anarî Haldî Mizrakî da zanayene muwekîlê ey bi suce endamîya rêxistene yeno sucdarkerdene, ê nê qerarê bêhuqûqî qebûl nêkene û do muracatê Mehkemaya Berze bikerê.
