Menal Mêrdîn 2ê çeleyî de Tilezêrê Şingalî de pê suîkastê dewleta tirke û PDKyî ame qetilkerdene. Cenazaya Mêrdînî vizêr Nêweşxaneyê Xanesorî ra ameye girewtene û bi konvoyê bi seyan wesayîtan ameye berdene Şehîdgehê Şehîd Dilgeş û Şehîd Berxwedanî. Mêrdîn badê merasîmê ke Şehîdgeh de ame kerdene ame definkerdene.

Bi seyan şingalijî, rayberê eşîran û îdarekarê îdareyê xoserî tewrê cenaza bîyî. Cenaza de mesajo dîmenen yê keyeynê Mêrdînî dîya goştarîkerdene. Keyeyî mesajê xo de şarê êzidî û kurdî rê serweşîye waşte û vat: ''Şehadetê Menalî ra nata şarê êzidî payra yo. Ma şarê Şingalî rê zaf spas kenê.''

Hemed Bişarê ke bi nameyê keyeyê şehîdan qisey kerd şexsê şehîdanê Parisî û Menal Mêrdînî heme şehîdî yad kerdî û vat: ''ehîd Menalî bi serran semedê şarê Kurdîstanî têkoşîn kerd. Tewr peynî de badê Fermanê 3ê Tebaxe verê xo da Şingalî.''

Hetkarê Hemserekanê Îdareyê Xoserî yê Demokratîkî yê Şiganlî Hisên Sadonî zî vat: ''Ganî ma sey komelê êzidîyan nê barî bigêrê xo ser. Keda Şehîd Menalî bi qiseykerdişî nêqedîyena. Çîyê ke ey ma rê qala ci kerde ma do pratîk de bîyarê ca. Xeyrê keda şehîdan ma do Şingalê xoser û azadî înşa bikerê. Qet yew hêz nêeşkeno na rayîrî ra açarno.''