Keyeyê tepişteyan roja 108. de  verê Edlîyeya Amedî de nobeta edaletî rê dewam kenê.

Keyeyan verê Edlîyeya Amedî de eşkerayîyêke daye. Hemserekê Pêroyî yê Komeleya Huqûqnasanê Seba Azadîye (OHD) Bunyamîn Şeker, MED TUHAD-FEDî zî paştî daye eşkerayîye. Polîsan destûr nêda ke endamê Komeleya Rosa tewrê çalakîye bibê.

Merdima tepişte Reşahate Ada waşt ke tedaya vera zîndanan biqeda û vat: ''Ma nê zulmî qebul nêkenê. Wa tepişteyê nêweşî bêrê veradayene. Ma heq, huqûq û edalet wazenê.'' 

 Keyeyan ra Încîye Guler waşt ke wa  heyetêko xoser şoro, zîndanan de cigêrayîş bikero. Merdima tepişteyan Nazîme Botan ard ziwan ke domanê înan zîndanan de pabeyê mergî yê û vat: ''5 serrî yo mi domanê xo nêdî. Heq û huqûq ça de yê?''

Çalakîye pê sloganan qedîyaye. Endamanê Komeleya Rosa binê ablûqaya polîsan de pê sloganan paştî daye keyeyan.