Merdimê tepişteyanê nêweşan û tepişteyanê ke înfazê înan ameyê vêşnayene roja 107. ya nobeta edaletî de verê Dezgehê Tipê Edlîyî (ATK) de ameyî pêser.

Hemserekê Komeleya Huqûqnasan a Seba Azadîye (OHD) Bunyamîn Şekerî û tay avûkatan paştî daye merdimanê tepişteyan. Înan waşt ke eşkerayîye bidê la polîsan girse asteng kerd.

Dadîya tepişteyê nêweşî Civan Botanî Nazîme Botan pare kerd ke vera astengkerdişê polîsan nêrazîbîyayîşê xo mojna û vat: ''Çar serrî yo mi domanê xo nêdî. Ma wazenê domanê ma vera bidîyê. Eke şima tedawî nêkenê, ma eşkenê domananê xo tedawî bikerê.''

Merdima tepişteyan Reşahate Ada zî waşt ke ê edalet û huqûqî wazenê û waşt ke tepişteyê nêweşî vera bidîyê.

Merdima tepişteyan Încîye Guler zî da zanayene ke dewlete tepişteyanê nêweşan rê zulm kena û vat: ''30 serrî yo ma pabeyê kek, babî û domananê xo yê. Heta ke edalet bêro caardene ma do her ca de bibê.''