Merkezê Pawitişê Şarî Fermandarîya Eyaletê Xerzanî pîroz kerde
Fermandarîya Qerargehê Merkezê Pawitişê Şarî, Fermendarîya Eyaletê Xerzanî seba çalakîya înan a 19’ê Temmuze pîroz kerde.
Fermandarîya Qerargehê Merkezê Pawitişê Şarî, Fermendarîya Eyaletê Xerzanî seba çalakîya înan a 19’ê Temmuze pîroz kerde.
Merkezê Pawitişê Şarî Fermandarîya Eyaletê Xerzanî pîroz kerde. Eşkerayîya Fermandarîya Qerargehê Merkezê Pawitişê Şarî wina ya:
“Çalakîya ke hêzanê şima yê eyaletî 19’ê Temmuze saete 14:00 de sere rayîrê qezaya Hîzanî ya Bedlîsî de hemverê wesayîto ke Fermandarê Cendirmeyan ê Qezaya Merkezê Bedlîsî ke Zafer Akkûş zî tede bi viraşta, çalakîyêka tarîxî ya ke ruhê serkewtişî yê dewrî îfade kena.
Bi sebir, qerardarî û metodêkê profesyonelî benda hedefê dişmenî vindertî û bi metodê gerîlayî yê dewrê neweyî, wareyo ke dişmen xo ra zaf bawer o de, na çalakî amîya viraştene. Na çalakîye hêzê TC’yî yê faşîstî lerznayê. Na çalakîya ke bi performansêkê serkewteyî amîya kerdene, tede bê ke vînîbîyayîşêk bidîyo, derbeyêka girane dîya dişmenî ro û bî sebebê vînîbîyayîşê giranan ê dişmenî. Loma ma fermandar û şerwananê ke keda înan na çalakîye de esta heminan pîroz kenê.
Na çalakîye de taktîkê sabotajî ke taktîkanê bingeyênan ê dewrê neweyî ray o bi westatî ameyo bicaardene û netîce ci ra ameyo girewtene. Bi vîr û bawerîya ke şima do nê metodî hîna bikerê xurt, ma fermandarîya şima û şexsê fermandarîya şima de heme hêzanê eyaletê Xerzanî silam kenê û bi hîsanê şorişgêran şima rê serkewtiş wazenê.”