Hemserekîya Konseya Rayberdişî ya KCK’yî keyeyê endamê Konseya Serekîya Pêroyîye ya KCK’yî Dîyar Xerîbo ke 5’ê Temmuze de, hêrişê hewayîyî yê dewleta Tirkî de cuya xo vînî kerde rê mesajê serweşîye şawit û sozê cezakerdişê hemkaran da.
Hemserekîya Konseya Rayberdişî ya KCK’yî keyeyê Dîyar Xerîbî rê mesajê serweşîye şawit. Mesajo ke xeyma serweşîye ya ke Silemanî de ameya ronayene de hetê endamê Konseya Rayberdişî yê KCK’yî Xebat Hewlêrî ra ame wendene de ca dîya nînan:
‘’Şehadetê hemra Helmetî senî ke seba şima dejo pîl o, seba ma, têgêrayîşê ma, şarê ma yê welatperwerî û şarê Başûrê Kurdistanî zî dejêko giran û pîl o. Eke ma xîyalanê hemra Helmetî bîyarê ca tayî bo zî dejê ma beno şenik. Bi hedefkerdene hemra Helmetî ame waştêne ke derbe bîdiyo Têgêrayîşê Azadîye yê Kurdan û Başûrê Kurdistanî ro. Wayîrvejîyayîşê şima û şarê Kurdistanî yê şehîd Helmetî seba ma referansê bicaardişê xîyalanê ey o.
Hemra Helmet mucadeleyê xo yê 25 serran ê sefanê PKK’yî yê têgêrayîşê azadîye de wayîrê cayêkê muhîmî bi. Şorişgêro ke nîmûne û kesîyêka rayber bi. Perwerdeyo ke keye û Rayber Apoyî ra girewtbi o kerd bi kesîyêka biehleq, sîyasî û cimatkî. Endamê Konseya Serekîya Pêroyîye ya KCK’yî û endamê Komîteya Merkezê PKK’yî hemra Helmet cuwa ver zî vernîya xebatanê Başûrê Kurdistanî de ca girewtbi. Serekîya PÇDK’yî kerdbi. Hemra Helmeto ke heme wezîfeyê xo bi serkewtiş bicaardene, şar û embazê xo perwerde kerdene. Seba raameyîşê yewîya neteweyîye xebatê muhîmî kerdî. Semedê vilakerdişê fîkranê Rayber Apoyî biisar bi. Hêrişê vera ê heman wext de vera fîkîr û felsefeya Rayber Apoyî bi.
Wayîrvejîyayîşê şima yê şehîdî zaf erjaye yo. Ma soz danê şima û şarê xo ke ma do derbeyanê girdan bidê dişmenî ro û bi cezakerdişê hemkaran xîyalanê hemra Helmetî û şehîdan bica bîyarê. Ma do amancê ke hemra Helmetî seba ci ganê xo da, înan biresnê serfirazîye.’’
