Fermandarîya Hêzanê Xopawitişî ya Mexmûrî derheqê hêrişê vizêrînî yê dewleta tirke ya îşxalkere de eşkerayîyêke daye.

Eşkerayîye de ame vîrvistene ke dewleta îşxalkere saete 22.00 de dest pê hêrişanê hemdeman kerd û wina ame vatene: ''Kampa Mexmûrî bi serran o bi sereyê xo vera hêrişanê dewleta tirke û hemkaranê ci xo ver dana. Hêrişê vizêrînî de baregehê ma ame hedefkerdene û di endamê ma şehîd bîyî. Sivîlê ke şîyêne ardimê hêzanê ma bîyî hedefê hêrişan û bi desan sivîlî birîndar bîyî. Rewşa birîndaran binê kontrolî de ya û ê hê nêweşxane de binê tedawî de yê.

Ma sey Hêzanê Xopawitişî yê Kampa Multecîyan a Rûstem Cûdîyî  mîrasê şehîdanê xo do pîl bikerê û dewleta tirke bin bikerê. Ma venga pêro şarê kurdî û azadîgîranê dinya danê ke bivejîyê waran. Ma venga rayaumûmîya mîyanneteweyîye, Neteweyanê Yewbîyayeyan û rêxistinanê heqanê merdiman danê ke vera hêrişanê Tirkîya vengê xo vejê û verê nê sûcanê Tirkîya bigêrê. Ma do dima nasnameyanê şehîdanê xo rayaumûmîye de pare bikerê.''