Serrgêra 45. ya ronîyayîşê PKKyî Kampa Multecîyan a Şehîd Rûstem Cûdîyî ya Mexmûrî de bi coşî ameye fîrazkerdene. Şayîye Merkezê Kultur û Hunerî de virazîyaye û sehne bi fotografanê Rayberê Şarê Kurdî Abdullah Ocalanî û ala PKKyî xemilîya.

Hemsereka Meclîsê Şarî yê Mexmûrî Fîlîze Budak şayîye de ard ziwan ke PKKyî vera koletîye xoverdayîş kerd û vat: ''PKKyî reyde têkoşînê cinîyan dest pêkerd.''

Şayîye de qiseykerdişê Abdullah Ocalanî ame goşdarîkerdene. 

Şayîye de Temsîlkarê YNKyî yê Qereçoxî Xazî Feyselî û Temsîlkarê Partîya Komunîste ya Kurdîstanî Cewher Sîdarî zî ronîyayîşê PKKyî fîraz kerd.

Şayîye de koma folklorî Şehîde Vejîne, hunermendî Xelîl Akinci, Koma Tev-Çandî û Stêra Zêrîne, koma folklorî ya domanan zî vejîyayî sehne ser.

Şayîye bi deyîr û govendan qedîyaye.