Meyîtê ciwanê bi nameyê Yûnûs Agirbaşî yo ke Royê Dîcle de vînî bibi ame dîyene

Nizdê Baxçeyanê Hewselî yê qezaya Sûrî yê Amedî de, 3 kesê embazî seba honik bibê kewtî Royê Dîcle. Nê embazan ra yew Yûnûs Agirbaşo 20 serre kewt verê pêlan û vînî bi. Hemwelatijanê dormeyî yê ke dîyî Agirbaş awe de vînî bi, hayî daye ekîpanê weşîye, AFAD, îtfaîye û polîsan. Ekîpê ke sewqê cayê qewimîyayîşî ameyî kerdene, dest bi xebata cigêrayîş û xelesnayîşî kerde. Dimaye xebata cigêrayîşî ya 2 saetan a meyîtî Agirbaş 500 metreyî dûrê cayo ke kewtibi verê pêlanê awe ame dîyene. Meyîtê Agirbaşî seba otopsîye amî berdene bi morgê nêweşxaneyî û cipersayîşê derheqê qewimîyayîşî dewam keno.