Fermandarîya Qerargehê Merkezê Pawitişê Şarî (MPŞ) bi wesîleya Roşanê Newroze eşkerayîyêke daye. Eşkerayîye wina ya:

''Ma dest pê serra 50. ya ronayîyayîşê Koma Apogîran kenê ke bi tesbîtê 'Kurdîstan kolonyal o' yê Rayber Apoyî dest pêkerd. Rayberê ma Roja Newroze de rayraşîyayîşê azadîye da destpêkerdene û bi metodê Apogîrî mîyanê şert û mercan de bêmabên têkoşşîn kerd, bêîmkanîye ra îmkanî afernayî, hêvîye ra azadîye afernaye. Rayber Apo mîyanê sîstemê îşkence û tecrîdî yê Zîndanê Îmraliyî de têkoşînê xo rê dewam keno.

Ma şexsê şehîdanê Newroze Mazlûm Dogan, Mahsûm Korkmaz, Zekiye Alkan û Rahşan Demîrel de pêro şehîdanê xo bi rêzdarî yad kenê. Ma verî yê Rayber apoyî Newroza pêro embazan, şarê ma yê welatperwerî û dostanê xo yê şorişgêran û demokratan fîraz kenê û înan rê serkewtiş wazenê.

Ma bi manewîyatê Xoverdayîşê Îmraliyî, bi talîmatê şehîdan, bi ruhê serewedaritişî, bi roşnîya felsefeya Rayberîye, bi germîya zerrîya şarê xo, bi erjanê têkoşînî, bi hêrsê verê dişmenî, bi ruhê milîyanî, bi qerardarîya serkewtişî dest pê serra 50. ya Newroze kenê. Sey gerîlayanê azadîye ma bi taktîkan û plansazîya newîye, bi qerardarîya caardişê azadîya Rayberê xo Newroza xo ya 50. ya Rayberîye pêşwazî kenê. Embaz Mazlûm Doganî ra heta embazan Mahsûm Korkmaz, Zekiye, Rahşan,Bêrîtan, Zîlan,  Zelale, Delale, Adilî ra heta Reşît Serdar, Şoreş Beytuşşebapî ra heta bi Hewram, Nûjîn, Diljîn, Zerdeşt, Hêjar, Rêber, Serhed, Rûkene, Cûmalî, Çavrê, Botan, Serhildan û Zinarînan ma bi kede û têkoşînê embazanê xo yê şehîdan 50 serran de resayî na aste. Rayraşîyayîşê xeta şehîdan reyde ma do têkoşînê şehîdanê xo serra 50. ya Newroze de zêdêr berz bikerê.

Sey gerîlayanê MPŞyî yê ke xeta çêrîye ya artêşa şehîdan û bingeyê azadîya Apogîre de sond werdo ma do bi fedakarî şer bikerê û serfîrazîye qetî bîyarê ca. Ma qerardar ê ke heta ke rayraşîyayîşê xo yê Rayberîya Azade û Kurdîstanê azadî bi serkewtişî tacîdar bikerê, bêmabên têkoşîn bikerê. Ma şarê xo, dostanê xo yê ke do biherikîyê waranê Newroze koyanê Kurdîstanî ra selam kenê û reyna Roşanê Newroze yê înan fîraz kenê. Ma hêzanê têkoşînê azadîye rê serra 50. ya Têgêrayîşê Apogîran de serfîrazîye wazenê.''