Fermandarîya Qerargehê Merkezê Pawitişî yê Şarî (MPŞ) çalakîya gerîlayan a ke 24-25’ê Hezîrane de Çelê de ameye viraştene û di wesayîtê zirxinî ameyî îmhakerdene û 23 leşkerî ameyî kiştene pîroz kerde û vat’’ Na çalakîye derbeya girde daye dişmenî ro.’’
Fermandarîya Qerargehê Merkezê Pawitişî yê Şarî (MPŞ), bi wesîleya çalakîya Çelê ya Colemêrgî peyamêkê pîrozkerdişî Fermandarîya Eyaletê Cilo rê şawit.
Peyamê pîrozkerdişî de ca dîya nînan:
“Çalakîya damî ya ke hêzanê şima yê eyaletî çarçewaya Hemleya Şorişgêre ya Şehîd Bager û Şehîde Ronya ya ke sahaya şima de ameya destpêkerdene roja 24’ê Hezîrane de herêma Dereva xezalkê ya Çelê de viraşta, çalakîyêka serkewtî û netîcegirewtox a. Na çalakîye derbeya girde daye dişmenî ro.
Reyna çalakîya 25’ê Hezîrane ya ke nêzdîye dewa Dîze de ameye vireştene û helîkoptero ke Çelê ra şîyêne Colemêrg ame pirodayene û derb girewt, na çalaki zî çarçewaya perspektîfê newe ra awanbîyayîşî de goreyê metodanê neweyan ameya viraştene û çalakîyêka serkewte ya.
Ma seba her di çalakîyan zî hemrayanê xo yê ke tewrê nê çalakîyan bîyê û çalakîyî bi hawayêkê afernayoxî viraştê reyna pîroz kenê, înan rê serkewtiş wazenê. Şexsê şima de heme hêzanê eyaletî bi heskerdiş û hurmet silam kenê. Bi hîsanê şorişgêran ê zerrî ra ma şima heminan rê serkewtiş wazenê.”
