Fermandarîya Qerargehê Merkezê Pawitişê Şarî (MPŞ) pê eşkerayîya nuştekîye çalakîyê serkewteyê ke Zap de çarçewaya Operasyonanê Qesasî yê Şorişgêrî de ameyî kerdene pîroz kerdî.

Eşkerayîye wina ya:

''Artêşa tirke ya îşxalkera ke pê heme îmkananê xo hêrişê îşxalî kena vera hêzanê ma yê ke bi rûhê fedayî yê Apoyîyî têkoşîn kenê, nêeşkena aver şiro.  Hêzê ma yê ke bi hewayêkê profesyonelî têgêrenê bi çalakîyanê xo yê afernayoxan vera artêşa tirke ya îşxalkere Avaşîn û Zap de destanê tarîxî nusenê. Tewr peynî de Waranê Xoverdayîşî yê Çîyareş û Kurojahroyî yê eyaletê Zapî de  semedê girewtişê qesasê şehîdanê ma, hêzanê ma yê gerîlayan derbeyêka girde daye artêşa tirke ro û dersa tarîxîye ya ke do çirey xo vîra nêkero daye ci.

Çarçewaya Hemleya Şorişgêre ya Bazenê Zagrosî de 24ê gulane de Girê Cehenemî yê Warê Xoverdayîşî yê Çîyareşî de hetê tîmanê Şehîde Sema Hesekê û Şehîd Serdem Reşîtî de çalakîya serkewtîye ameye kerdene. Eynî roje Warê Xoverdayîşî yê Kurojahroyî de hetê tîmanê qesasî yê Şehîde Mîzgîne Ronahî de çalakîya bikoordîne ameye kerdene. Wird çalakîyan de zî têna derbeya girane nêdîyaye dişmenî ro, hêzê ma şîyî cenazayanê dîmenî ser û xeylêk çeke û melzemeyo leşkerî yê dişmenî ame destsernayene. Nê çalakîyê serkewteyî ramojnenê ke vera şuxulnayîşî çekanê kîmyewîyan û teknolojîya xurte ya şerî ya dewleta tirke gerîlayî resayî merhaleya senî berze.

Hemra Mahîr Mazlûmo ke çalakîya Çîyareşî de şi dişmenî ser û serkewtişê çalakîye de rolê ci yo muhîm est o, ma ey bi hurmet û heskerdişî yad kenê û soz danê ke ma do têkoşînê xo bi serkewtişî tacîdar bikerê.  Ma heme hemrayanê xo yê ke keda înan nê wird çalakîyanê Kurojahro û Çîyareşî de est a, pîroz kenê. Ma pê bawer ê ke ê do serkewtişê yê pîlî yê Operasyonanê Qesasî yê Şorişgêrî pê serkewtişanê neweyan tacîdar bikerê. Hemrayê ma yê ke waranê Zap û Avaşînî de têkoşînê tarîxî rayra benê, ma înan rê serkewtiş wazenê.''