Teyareyanê şerî yê artêşa Tirkî ya îşxalkare  vizêr Koyê Kortekî yê Binarê Qendîlî yê Başûrê Kurdistanî de wesayîtanê sivîlan ser o bombayî varnayîbî. Bomardûman de cinî û domanî zî tede 3 sivîlî ameybî qetilkerdene û 5 kesî zî birîndar bîbî.

Kesanê ke cuya xo vînî kerde nameyê înan wina yê: Abdulla Alî Mîne (53), Kurdistan Abdula (30) û Heryad Abdula (19)

Nameyê çar kesanê birîndaran zî wina yê: Mihemed Abdula, Taybet Mihemed Abdula, Benaz Abdula, Rabî Mihemede (Dayîka kesanê ke ameyî kiştene).

Rejîmê tirkî 21’ê Tebax a 2011’î de Kortek de yew derguşê  û di domanî zî tede keyeyêk ra 7 kesî qetil kerdbî. Derguşa Solîne ya ke ameye qetilkerdene hema 8 mengîye bî.

Teyareyanê şerî yê Tirkî tewr peynî de 26’ê Hezîrane de herêma Bradostî yê Başûrê Kurdistanî de Goşîne ser o bombayî varnayîbî. Netîceyê hêrişî de sivîlêk amebi qetilkerdene û 3 kesî zî birîndar bîbî.