HPG’yî di gerîlayê cinîyî yê ke Elkê ya Şirnexî de cuya xo vînî kerdebî bi vîr ardî vat: ‘’ Fedakarîya girde ya hemrayanê ma Mizgîne û Xemlîne yê mucadaleyê hesabpersayîşî yê vera îşxalakaran do qet nêro vîrakerdene.''
Merkezê Çapemenî û Îrtîbatî yê HPG’yî bi eşkerayîyêka nuştekîye da nasnameyê di gerîlayanê ke Elkê de şehîd bîyî eşkera kerdî û nê pare kerdî:
''12’ê Hezîrane de herêma Şêxlerî ya qezaya Elkê ya Şirnexî de mabênê embazanê ma û artêşa Tirkî ya îşxalkare de pêkewtişêk vejîya. Pêkewtişo ko xeylî leşkerê Tirkî ameyî kiştene û birîndar bîyî de embazê ma Mizgîn Avesta û Xemlîn Colemêrge bi şerkerdişêkê qehremankîyî tewrê kewanê şehîdan bîyî.
Her di hemrayanê ma yê cinîyan ê mîlîtanan bi perwerdeyo ke girewto xo aver berdo û heta helmê xo yê peyênî hemverê hêrişanê îşxalî yê dişmenî de mucadeleyêko pîl dayo. Ma soz danê ke ma do beyraqa hemrayanê ma Migîne û Xemlîne yê ke nameyê pakî, durustî û pêgirewtişî yê heta biresnê serkewtişî bikirişnê, sere de keyeyanê ercayeyan ê her di hemrayanê xo, ma heme şarê Kurdî yê miletperwerî rê serweşîye wazenê.”
Nasnameyê gerîlanê ke şehîd bîyî wina yê:
Nameyê Qodî: Mizgîn Avesta
Name Peyname: Fatma Çelîke
Cayê Bîyayîşî: Semsûr
Maye-Pî: Rabîa - Abûzer
Tarîx û Cayê Şehadetî: 12'ê Hezîrane 2019 / Elkê
Nameyê Qodî: Xemlîn Colemêrge
Name Peyname: Bîlge Încîne
Cayê Bîyayîşî: Colemêrg
Maye-Pî: Nîhale - Fevzî
Tarîx û Cayê Şehadetî: 12'ê Hezîrane 2019 / Elkê
