Merkezê Îrtîbatî û Çapemenîye yê HPGyî nasnameyê şehîdan eşkera kerdî û nê vatî:

''19ê hezîrana 2024 de herêma Mawa ya Botanî de mabênê hêzanê ma û artêşa tirke de pêkewtiş qewimîya. Badê pêkewtişî hêrişê dişmenî de hemrayê ma mîlîtanê fedayîyî yê Apoyî Axîne û Şervan tewrê kerwanê şehîdan bîyî.

Hemraya ma Axîna ke sey teqîkerdoxa cinîyan ê qehremanan ê Botanî Cahîde, Azîme, Bêrîvane, Zelale, Çiçeke û Gulbaharlare vera koletîya ke dişmen wazeno Kurdîstan de biafirno sere wedarit, sey bi des hezaran cinîyan kurdan verê xo da koyanê azadan. Aye ferq kerd ke cinîyî têna koyanê Kurdîstanî de eşkenê rêzila koletîye ra xo bixelisnê û her hela xo de bi nê waştişî têkoşîn kerd.

Hemrayê ma Şervan rixmo ke welatê ma Kurdîstanî ra dûrî de mend heskerdişê welîatî tim zerrîya xo de hîs kerd û bado ke felsefeya Apoyî nas kerd verê xo koyanê azadan ê Kurdîstanî. Xeylêk serrî Botan de têkoşîn kerd û seba ke berpisrîyarî xa bîyaro ca Botan de, qibleyê gerîlatîya Kurdîstanî de têkoşîno destankî rayra ber.

Ma sey hemrayanê Şehîde Axîne û Şehîd Şervanî soz danê ke ma do xeyalanê hemrayanê xo bîyarê ca.  Na çarçewa de ma sere de keyeyanê erjîyayeyan ê hemrayanê xo Axîne û Şervanî heme şarê welatperwerî yê Kurdîstanî rê serweşîye wazenê.

Nasnameyê wird hemrayanê ma yê şehîdan wina yê:

Nameyê Qodî:  Axîne Gabar  Name û Peyname:  Zeynepe Ozkan Cayê Bîyayîşî: Şirnex Maye-Pî: Emine – Abdullah Tarîx û Cayê Şehadetî: 19ê Hezîrana 2024î / Botan

 

Nameyê Qodî: Şervan Botan  Name û Peyname:  Şakir Erdemci  Cayê Bîyayîşî:  Mersin Maye-Pî:  Hatune – Sadullah Tarîx û Cayê Şehadetî: 19ê Hezîrana 2024î / Botan