Wekîlê Partîya Demokrasî (DEP) Orhan Doganî 29ê hezîrana 2007î de dinyaya xo bedilnabî. Serrgêra 16. ya wefatê ci de Dogan Goristanê Asrî yê Cizîre de serê gorê xo de ame yadkerdene. 

Wekîlê Partîya Çep a Keske Tuncer Bakirhan, Ayşegule Dogan, Mehmet Zekîr Îrmez, Newroze Uysal, Îdarekarê Rêxistinê HDPyî, MEBYA-DER, Meclîsê Mayanê Haştîye, aktîvîstê TJA û ferdê keyeyî tewrê yadkerdişî bîyî.

Wekîlê Sêrtî Bakirhanî pare kerd ke ê ewro têkoşînê Doganî rê dewam kenê. Bakirhanî vat: ''Têkoşînê Orhan Doganî ma rê mîras o. Heta ke ma nê welatî demokratîk bikerê, têkoşînî rê dewam bikerê.''

Dima kênaya Doganî û Wekîle Ayşegule Dogan qisey kerd û îfade kerd ke ê do xeyalanê Orhan Doganî û embazanê ci bîyarê ca.

Girseyî serê gorî de duayî kerdî, qeranfîlî nayî ro.