Brûsk Amed adara 2015î de tewrê Têkoşînê Azadîye yê Kurdîstanî bi.

Ey seba newe ra afernayîşê xo kede daye. Koyan de qelema newîye ya cuye şinasnaye û pey ra şi. Koyanê Cîloyî de ey embazanê xo rê fermandarîye kerde, çîyê neweyî musa û çii musa pare kerd. Nê esasî ser o ey şer kerd û ganê xo feda kerd.

Şehadetê xo ra serrêke verî (2020) ey şehîdê Qirkerdişê Parisî yad kerdî û wina nuştbi: ''Mi verî embaze Sara nêdîye û a nêşinasnaye. Mi kitabê ci yê 'Cuya mi tim şer bîye' wend. Mîyanê têkoşînî de zî pê dîmananê ci û vateyanê ci kêm bo zî mi a şinasnaye. Embaze Sara ronayoxa cinîye ya verêne ya partîye bîye. Qaso ke mi a şinasnaya embaze Sara bi tewirê xo yê qerardarî, çêrî û kesayetê xo yê têkoşerî tim vernî de bîye. Aye tim têgêrayîşî rê rayberîye kerde. Metodê ci yê têkoşînî, rayberîya ci mojna ma ke vera zor û zehmetîyan ma senî eşkenê gamanê qerardaran bierzê. Aye ruhê Rayber Apoyî kesayetê xo de geş kerd. 

Çeleyê 2013î de Paris de embaze Sara, Ronahî û Rojbîne pê komployêkê hêzanê îşxalkeran ameyî şehîdkerdene.

Wezîfeyê ma yo ke bi perwerîya vîrameyîşanê ci wayîrê mîrasê înan ê têkoşînî vejîyê û Rayberîye azad bikerê. Seba têkoşînêkê raşt, xurt û qerardarî ganî ma tewirê cuye yê înan xo rê bikerê esas. Nê esasî ser o ma eşkenê kesayetê serkewtişî biafernê û vîrameyîşanê şehîdan rê perwer bimanê.''